公開戀情！容天佑認戀林穎彤

林穎彤（Bella）情人節與容天佑一同欣賞新劇《警犬巴打》，更合照上載IG，容天佑今午在中環宣傳劇集時承認戀情。

容天佑接受訪問時被問到此事時顯得十分尷尬，及後承認戀情，指Bella好重要：「年年情人節都同一班男仔過，今年可以有人（女仔）一齊過。」再追問Bella是否女朋友時，他口窒窒說：「都係嘅。（公開戀情？）唔知算唔算，但佢俾咗好多鼓勵我，都開始咗一段時間。」

容天佑指與Bella拍攝節目《安樂蝸》時認識，大讚女方「心哋好」，亦不在工作上給予鼓勵和意見。

麥玲玲在《逆天奇案2》中的形象同平時反差極大！

《逆天奇案2》昨晚（4月2日）一集，首個單元「殺手的終極任務」終於落幕，原來霍太（麥玲玲飾）因為炒燶股票要填氹500億，故利用殺手執行暗殺任務來討好哈多爾富商巴金，希望藉此機會翻生！不過當霍太帶同2名殺手與巴金見面時，始發現2名殺手終極目標竟是巴金，2人一見巴金便手刃對方，現場隨即爆發槍戰！阿森（陳展鵬飾）、阿力（黃智賢Ben飾）與口水言（容天佑飾）趕到現場，三人與殺手再次上演連場埋身肉搏，口水言更差點被殺手以鐵棍打死，幸好莊家新（董敬文飾）帶領支援趕到現場將殺手擊斃，口水言才逃過一劫，最終霍太因非法操縱股市和串謀謀殺被捕。在這個單元，玲玲姐演出非常搶焦，除了以流利英語講對白外，還親身上陣演出槍戰場口，拿手槍動作更是英姿颯颯，與平時形象大相逕庭，令人大感驚喜。

追車打戲同樣是焦點所在，現年56歲的Ben打戲連場，身手依然靈活，他受訪時笑言：「平時都有做開運動，但係打戲時要即時度即時做，所以都幾有挑戰性，感覺都有少少吃力，因為有時要好短時間做啲動作，都有NG嘅，始終都打咗成日有啲攰，但都要盡量展現到角色嘅英勇。」Ben透露追車打戲足足拍了一天，他特別感謝武指的幫助：「武指偉師傅好好，佢會因應我哋體能度啲我哋做得到嘅招式，拍出嚟效果好似好打得咁，但現場都知道其實有啲笨手笨腳。同埋當時都拍得幾辛苦，因為天氣都好熱，依家睇到成果拍得咁好，覺得辛苦都係值得！」

容天佑同樣指該場戲好辛苦：「拍攝當日係台風前後啲日子，天氣好焗，未拍時已經身水身汗，啲動作又要擒上擒落起腳打，所以衫褲都畀啲汗啜到實晒，好難做到動作，同埋嗰日大家都有少少中暑跡象，好靚仔嗰個僱傭兵（莫浩峰）中埋暑添！」

飾演僱傭兵的莫浩峰（Sebastian）亦備受網友關注，留言大讚：「佢又幾靚仔有型喎」、「靚仔又打得」、「身手唔錯」。其實現年34歲的Sebastian曾演出多個電影、劇集和廣告，包括電影《拆彈專家》系列、劇集《飛虎》系列等，Sebastian除了高大有型又打得外，還擁有商科碩士學位，絕對是四肢發達、頭腦亦唔簡單！