孖劉心悠首演情侶好相襯 方力申自爆已見家長

身為圈中緋聞絕緣體的劉心悠，最近與近期緋聞不斷的方力申在新戲《女人永遠是對的》首度合演情侶，論外形二人確實合襯，而且二人亦好有緣，因為心悠和劉媽媽，還有小方媽媽是同月同日出生，小方更自爆早在馬來西亞與劉媽媽見過面。連家長都見埋，難道有發展可能？

論外形小方和心悠呢一對確係襯嘅。

最初小方初見心悠時，以為能靠運動和對方打開話題，後來才發現，心悠一年只跑一次馬拉松，並非他想像中熱愛運動，但發現二人都愛食榴槤，又喜歡動物，所以都有很多話題。對於近期經常有緋聞傳出，而這次拍着「絕緣體」會否好安心，小方無奈表示，「都係你哋傳媒咁心急啫！搞到啲女仔朋友唔敢同我出街，其實我係要慢慢觀察先得，大家都知我唔鍾意拍散拖，唔會好似今次個角色咁，三日兩夜就撻着㗎！」

小方謂父母冇催婚，但媽咪竟然成日話想抱孫。

小方和心悠在劇中出任朋友婚禮的兄弟和姊妹，因而認識。

心悠就透露自己和角色一樣是個完美主義者，而且慢熱，所以愛情要慢慢來。心悠又認為小方比相像中搞笑，好易相處，「好似我唔識着高踭鞋，佢會專登影低我差啲跌個樣。」心悠更爆出同小方好有緣，「我媽咪同我都係4月1號出世，原來小方媽咪都係㗎！」

心悠表示媽咪年前有試過催婚，但近年已沒有提了。

心悠、楊思琦、張可頤和衛詩雅四個空姐是好朋友。

談到如此有緣不如親上加親？小方即投訴：「點解成日幫我撮合啲女仔㗎！」但他自爆早前在馬來西亞拍外景時已見了心悠媽媽，還請了劉媽媽飲椰青。小方亦笑言自己照顧老人家有一手，「我絕對可以行外母政策㗎！」

三日兩夜令小方和心悠由鬥氣冤家變情人。

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。