政事
特首CY昨日突然在網誌提出，中環上班族可以用15分鐘食個輕便 午餐，跟住可以去海濱釣魚區釣魚，佢又建議在中環國金中心附近興建現代化的岸邊泳棚，中環打工仔飯可以游水20分鐘！
其他官員講呢啲嘢可能被人話夠創意，為打工仔健康著想。但CY一 講即刻被人圍插，話佢「堅離地」，仲搵埋有份佔中的救生員兼港九拯溺員工會發言人郭紹傑評一評，話康文署千叮萬囑叫泳客唔好飽肚游水，而梁振英唱反調，叫人飯後去游水，真係太冇常識咁話。
不過Ariel搵咗啲愛好運動的中環上班族問一問，佢哋又唔係咁睇。佢地平時一個星期都搵一兩日午飯時間去做Gym ，通常係做完食件三文治就算，甚至帶埋沙侓返工，做完運動食自家沙律，也有人11點幾先在公司食個包，而不是做完運動才食。而家在中環返工要游水，去公共泳池要去到西環，交通時間較長，所以好少去游水，所以佢地話若然中環有得游，真係多一個運動選擇，一啲都唔離地。
中環運動一族幾鐘意呢個設泳棚的建議，佢哋反而唔明呢啲事唔係大事，唔係應該由民政事務局局長劉江華出來講，點解要由特首操刀？
Ariel
** 博客文章文責自負,不代表本公司立場 **
匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。
葉劉淑儀計劃在下月中港搞「2024全球繁榮峰會」。
峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。
諾貝爾化學獎得主科恩伯格教授將擔任主題演講嘉賓。
葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。
峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。
葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。
她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。
她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。
