「男神」劉鳴煒自貼同女友合照晒幸福

劉鳴煒早前被傳媒爆出同摩根大通的金融之花奚倩雯Estella拍拖，「男神」雖然封盤，但感情事仍惹人關注。他凌晨在facebook上載與女友Estella 的合照，首次自己貼出兩個人手拖手的相，幸福放閃。

劉鳴煒fb圖片

劉鳴煒去了台東參加「Challenge Taiwan」三項鐵人賽，原來Estella做「跟得女友」飛過去陪賽，照片只到兩人的背影，另一張就見到佢哋頭貼頭，Estella仲攞住個獎牌添！

兩個人笑得好開心，但原來劉鳴煒係抱病作賽，佢用英文留言，大意係感冒未清，忍受住傷痛比賽，難以忍受的發熱仲有水泡，比賽期間相當難捱。

劉鳴煒fb圖片

不過睇埋最後兩句，就咩都冧晒啦︰「But Estella Hai walked the last 17km with me and that made everything alright.」（但Estella陪我走過最後的17公里，讓一切好起來。）

劉鳴煒早兩日已喺fb話自己病咗，佢今次參加「Challenge Taiwan226」組別，又要游水3.8公里、踏單車180公里，最後仲要跑42公里。病咗比賽當然辛苦，但有位貼心女友支持，一切痛苦都唔記得囉！

劉鳴煒同Estella拍拖一段時間，兩人感情唔錯，劉鳴煒喺情人節時，仲親手炮製精心晚餐氹Estella開心添。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。