男家出錢買樓未婚妻求加名做業主 網民獻計助準新郎解圍

置業乃人生大事，買樓「加唔加名」卻往往成為夫婦拗撬甚至婚變導火線。有網民正為此事頭痛，在討論區呻「同女朋友就結婚，佢要求層樓要加佢個名」。

樓主先講背景「話說層樓係家人出錢買嚟畀我嘅，女朋友就無份出過錢嘅。準備結婚，佢話佢媽想層樓加埋佢名，因為呢個家將來都有佢份，加名好正常」。但樓主擔心「而家婚都未結就嘈住加名，我點知佢會唔會結無耐就離婚分家產」。

樓主續指「如果本身佢都有份供，加係好正常，問題而家係無嘛，我就堅持唔加名，如果傾唔啱數最多唔結婚啫」，並指女朋友「嘈嘈閉話我唔愛佢，唔公平，話唔為將來諗」。樓主沒好氣地指「咁公平唔見佢開聯名戶口擺晒d錢出嚟，龍門陣任佢擺到極點」。

樓主在回應提問時引述女朋友指，「而家組織一個家庭，唔係淨係計付出金錢，佢精神力量上都會付出為呢個屋企，同加名係因為萬一之後會離婚佢就無居所喎」。

樓主指「層樓係家人出錢買嚟畀我嘅」。網上截圖

對於樓主呻至樹葉落清，有網友從金錢角度公看，指「有份夾錢就有佢份，冇份夾錢講咩個家佢有份」。有醒目網友則建議「同佢講唔加，留番個首置名額，第時出錢買一層寫佢名」、「同佢講應該留個自置名義，他日買第二間」、「緊係留番個首置名額喇，十年後買多層慳成百萬」。

網民獻計「同佢講唔加，留番個首置名額，第時出錢買一層寫佢名」。網上截圖

另有人獻計，「你將層樓轉做你娘親嘅名，咁將來你離婚，呢個女人都唔會分到層樓」、或「叫佢比返一半咪ok囉，d錢又唔係你嘅，有乜就躂屋企人朵」、「話屋企人唔准，一定要加就分」。

買樓乃人生大事。資料圖片

不過亦有網民支持加名，指「加囉，都結婚啦，咁都唔加即係唔信對方，咁不如唔好結」、「加啦，結得婚預一世架啦」。

帖文來源：連登討論區

有網民支持加名。網上截圖

中學生拍拖常因經濟能力有限，男女都會各分擔約會的支出。但日前就有中學生在社交平台貼文，指與女友拍拖三個月，每次約會都是他一人承擔，覺得壓力好大，更在聖誕前夕向對方提出AA制方案，孰知換來女友言語侮辱！

男學生大呻與女友拍拖三個月，每次約會都是他一人承擔，覺得壓力好大。豆包AI生成圖片

詢問網友：其實AA真係有問題咩

樓主講到自己的零用錢每個月$800，而女友則只有效500，兩人經常見面，不過他無奈呻到「但每次食飯都係我俾哂，我真係付擔唔到」並詢問網友「其實AA真係有問題咩」而帖文更附上他和女友間的對方截圖。

threads圖片

女友串爆：窮就咪Ｘ同我拍拖

由對話所見，樓主向女友透露現在約會每餐飯都是由他支付，他覺得有點吃力，並問對方是否接受「AA制」(即是每各付一半)。女友的反應似乎很驚訝，並反問「你認真？」樓主唯有坦白指自己的零用錢有限，不夠兩個人花，而且約會每餐飯都最少一百元。但女方不但沒體諒，更辯稱「我已經冇要求你餐餐都係西餐」，而更讓人震驚的是，她竟爆出一句「窮就咪Ｘ同我拍拖」。而樓主亦無奈都應到「好」。

男學生坦言自己的零用錢不夠兩人用，女朋友竟爆出一句「窮就咪Ｘ同我拍拖」。豆包AI生成圖片

網批：最基本相處互相體諒都未做到

帖文引來網民極大迴響，大家都力撐樓主，直指女方價值觀好有問題，力勸「快撚啲分手」「最基本相處互相體諒都未做到，呢個女朋友放生啦」。亦有網民狠批女友無資格嫌棄別人窮「自己都係得$500一個月冇骨氣，要人請有臉話人窮？」有人就不看好的說「不可以共患難，不會有將來」、「根本係收兵」。

最終男學生與女友提出分手。豆包AI生成圖片

在聖誕節翌日樓主亦更新了狀況，並宣布：「我尋晚（25日）同佢過完聖誕就正式同佢分咗手。」他透露女友對他將兩人的私人對話公諸於世感到不滿，不過他為女友遭網民狠批價值觀有問題辦護，指兩人都是對方的初戀，並解釋女友「有呢種觀念係佢原生家庭俾佢，未必係佢自己問題，大家都唔使太過怪責佢」。他又多謝對方為他付出了不少，但同時感謝網民「Ｘ醒咗我」。

網民祝福：你值得更好

不少網民都為這結局而恭喜樓主「甩難」、「及時止損」「咁先係男人，祝你下一個會更好」，但亦繼續批評女方的態度「乜野叫『窮就咪Ｘ同我拍拖』？...窮，係限制咗人既消費，但尊重應該係更大前提。」「如果兩個人係有感情，係點都唔會有呢句說話係出得口」最後祝福樓主「你值得更好」