世代女神譚旻萱(Mandy)於2023年上半年的成績表現理想,繼夥拍ERROR完成電影《陰目偵訊》拍攝後,Mandy又獲各品牌的厚愛,最近獲邀代言啤酒品牌Blue Girl Light,跟Edan、Jeffrey拍攝全新廣告;Mandy更為預防HPV出力,跟姜濤與小師妹林熙彤拍攝教育微電影,影視廣告多棲發展迅速。
新世代女神譚旻萱(Mandy)獲得大型連鎖餐廳麥邀請,拍攝全新廣告。
曾透露將挑戰不同領域的Mandy蓄勢待發,最近她便獲得大型連鎖餐廳麥當勞邀請,拍攝全新「深海狹鱈魚柳」精選早晨套餐廣告,大賣青春無敵本色的同時,Mandy更首次踏進錄音室,為全新廣告主唱廣告歌《Sea You Soon》,Mandy笑說:「今次拍攝麥當勞廣告要唱廣告歌,真係非常之有挑戰性,最初聽到首歌嘅demo時,會覺得自己唔會唱到咁高嘅音域,而且係用唔少真聲,加上要配合返好有活力、開心嘅energy,冇得降key,所以對我嚟講真係好大挑戰。去到錄音室嘅時候真係會覺得自己冇可能做到,一開始都唔係太順利,不過唱順咗又OK喎!好驚喜!好自豪自己可以過到呢關、係一個對自己嚟講好大嘅挑戰。令我回想返初入行時嘅寶礦力廣告,同今次一樣好有挑戰,之前就要學踩roller,今次就要學唱歌,人生第一次唱歌表演,真係好有成就感。」
點擊看圖輯
新世代女神譚旻萱(Mandy)獲得大型連鎖餐廳麥邀請,拍攝全新廣告。
Mandy更首次踏進錄音室,為全新廣告主唱廣告歌。
她在沙灘上滋味的吃深海狹鱈魚柳、拿着咪高峰又唱又跳!
Mandy更首次踏進錄音室,為全新廣告主唱廣告歌。
Mandy被安排在沙灘上高舉滑浪板奔跑。
她在沙灘上滋味的吃深海狹鱈魚柳、拿着咪高峰又唱又跳!
今次麥當勞全新精選早晨套餐廣告拍攝為期四天,包括到沙灘、影樓、天台等取景,為讓Mandy帶出青春活力兼充滿陽光的主題,她被安排在沙灘上高舉滑浪板奔跑、在沙灘上滋味的吃深海狹鱈魚柳、拿着咪高峰又唱又跳等,在炎夏中拍攝,Mandy不但沒有呻辛苦,反而大呼「好爽」,她說:「真心好爽!出一身汗,感覺就好似做完運動,夜晚食多少少都OK嘛,嘻嘻。」而談到唱歌,這可說是Mandy人生的一大挑戰,最終能順利完成,而在拍攝又唱又跳時,Mandy更使出從張敬軒前輩演唱會中學到的「韓式呼吸」,活學活用,她笑說:「我睇張敬軒前輩演唱會時佢講過而家興男團假呼吸,我而家就係熱血地唱、動漫式呼吸,好好玩,一啲都唔辛苦。」超級動漫迷Mandy更笑言經常幻想自己是超級英雄,更祈禱希望擁有最強超能力的女英雄。
Mandy於2023年上半年的成績表現理想。
新一代女神譚旻萱(Mandy)憑標緻的臉蛋、精湛的籃球球技,被冠以「籃球女神」稱號,最近Mandy獲護膚品牌NIVEA垂青,拍攝品牌全新防曬系列廣告。
Mandy為護膚品牌拍攝全新防曬系列廣告。
廣告以打籃球為主題,Mandy跟男演員在場單對單較量,以阻攻(block shots)來帶出防曬(block UV)的重要,一有籃球在手,Mandy 馬上精神抖擻進入狀態,全神貫注跟對手對打,誰知導演見Mandy打得太忘形,因面部表情太「狼死」而被叫停,惹來全場大笑!Mandy笑說:「我好鍾意打籃球,所以每逢工作時要打籃球都會覺得唔似做嘢,係好開心嘅。最搞笑係導演覺得我打波時個樣太凶狠,因為自己太投入冇注意到。」
廣告以打籃球為主題。
Mandy跟男演員在場單對單較量。
Mandy打得太忘形,因面部表情太「狼死」而被叫停。
Mandy笑指因為自己太投入,所以沒有注意到。
談到打籃球,Mandy開始滔滔不絕,更憶起初入行後比賽時險毁容的經歷,她說:「之前曾經同啲叔叔打波,對方要護住個波,就批踭批到我個嘴,撞爆咗個嘴,當時我都好痛,仲有喊,但我唔係因為痛而喊,而係驚毁容,覺得自己會玩完,要另謀生計……好彩爆嘅係嘴唇入面,自此公司就嚴禁我打波打得太狠,其實長大後我個人係文靜咗,但係打波習慣偏狼死,有啲難改。」
Mandy憶起初入行後比賽時險毁容的經歷。
當時被踭批撞爆嘴,幸好只是嘴唇入面爆了。
最近Mandy積極增值自己,瘋狂做gym、跑步、學戲與學武術等,為迎接新挑戰,她說:「為之後嘅工作做好準備,嚟緊會有新挑戰,一直上緊堂學緊嘢、勤力啲做gym,飲食都要節制吓,食得清啲,都想減吓磅,減吓而家嘅幸福包包面。」
Mandy最近為迎接新挑戰,積極增值自己,瘋狂做gym、跑步、學戲與學武術等。