私家車違泊巴士專用位遭「收工巴士」圍困 網民笑：好識玩

好樣衰

違例泊車不但會影響其他人，更有可能自食其果。近日，有網民於社交平台分享了一張照片，照片中一輛白色私家車停泊在巴士專用位置，懷疑巴士司機要收工而又不見私家車司機蹤影，於是將巴士直接停泊在私家車旁。而由於其他巴士相繼陸續收工，私家車前後亦停泊著其他巴士，完全無位置可以駛走。一地花生，不少網民建議車主「剷上行人路」離開，亦有人笑言「咁x有型，九巴有料到，好識玩」。

有網民於社交平台上載一張照片，照片中一輛白色私家車被三架巴士圍困。「車cam L（香港群組）」FB圖片

該網民於Facebook群組「車cam L（香港群組）」以「今晚你走唔到啦..」發文並載一張照片，照片可見晚上時分一輛白色私家車被三輛巴士包圍，私家車的左邊為行人路，右邊、前面及後面都停泊著已熄匙的巴士，私家車無路可走，完全被困。

有網民指位置為元朗宏業東街，懷疑白色私家車違規停泊在巴士專用位置，因此巴士司機收工便直接將巴士停在私家車旁。Google Map圖片

有網民指此處為元朗宏業東街的巴士專用位置，每天下午8至上午8時只准專利巴士使用。網民估計，白色私家車違規停泊，至巴士司機收工時間私家車司機仍不見縱影，巴士司機於是直接將巴士停泊在私家車旁邊，釀成這個私家車被困的有趣畫面。及後又有網民於留言區，上載一段疑似是車主所拍的短片，車主發現私家車被困不能駛走，於是爆粗拍片轉發給朋友圈。

有網民上載一段疑似是車主所拍的短片，車主發現私家車被困不能駛走，於是爆粗拍片。「車cam L（香港群組）」圖片

此帖一出即引起網民熱議，不少人建議車主直接駛上行人路離開「上行人路走」、「上行人路走唔走到」、「仲可以剷上行人路」，不過又有人指「行人路有棵樹，未必得」、「行人路好窄，中間有樹又豎有路牌好難砍得低所有」、「有樹有路牌桿依樣冇得郁」。

也有人提議直接原地泊一晚，等明早巴士開工駛離開後再走「理直氣壯泊一晚，話被困走唔到」、「巴士聽日一要開工，唯有泊一晚」、「搭的士返屋企，聽朝返黎拎車」、「泊過夜！巴士5:00開走！」。

車主以四字粗口貼文。「車cam L（香港群組）」圖片

有人則爆笑留言「兩米車8000轉，原地轉彎」、「有九巴照住，保證冇人偷車」、「成個老襯～從此被困」、「被愛包圍着」、「幾安全！肯定偷吾到架車」、「阿蛇見到一定好膠心！！任抄」、「叫重型車吊出黎搞掂」。

帖文來源：Facebook群組「車cam L（香港群組）」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」