港男當街雙膝下跪港女 引網民嘩然：影衰全世界嘅男人

男兒膝下有黃金

在一段健康的感情關中，男女之間應該是平等及相互尊重的。近日，有網民於社交平台轉發一張關於「港男當街下跪港女」的照片，照片在網上瘋傳引起網民嘩然，有人踩多兩腳，批評港男「影衰全世界嘅男人」；有人則笑言「雙腳跪地係叩拜先人喎」；亦有不少人猜測箇中原因，自行為照片配上對白，非常爆笑。

有人於筲箕灣街頭，拍到港男當街跪地的一幕。「大埔TAI PO」FB圖片

該網民於Facebook群組「大埔TAI PO」轉發一張照片並附上「She is my first love and true love （她是我的初戀及真愛）」，照片中一名身穿青綠色上衣及短褲的男子，於筲箕灣街頭雙膝跪地，似乎向著前面的女子求饒，而女子則身穿白色上衣，身材圓潤，面露凶光，似乎正在教訓該男子。

男子雙膝跪下，似乎是向面前面露兇光的女子求饒。「大埔TAI PO」FB圖片

此帖一出即引起網民熱議，不少人認為男子當街下跪毫無自尊心「男人界的敗類」、「咁就一世」、「男兒膝下有黃金」、「如果要咁，我情願孤獨終老」、「今日已係咁，明天你更慘」、「你是否男人？影衰曬男人」、「真修家，正常女都唔會鍾意呢啲」、「男人週街跪下，一世抬不起頭啊，父母看見，真的很心疼的」、「男人老狗，真係肉x酸」、「真係陰公 鄧佢老豆老母慘」。

帖文一出，不少網民話男子「影衰全世界嘅男人」、「男人界嘅敗類」。非當事人Getty圖片

有人則指「可能發生左D事，唔係甘簡單呢，一家唔知一家事」，網民紛紛猜測下跪背後的原因「可以人地下跪求婚啫」、「多數係呢個男人做左好多衰嘢？次次都用呢招」、「可能男問女借錢姐」、「大家誤會了，孝順仔跪緊佢老母盡孝」、「求你快D還錢啦」、「設計對白，男：求下你唔好再嚟我公司搵我啦」、「可能搵隱形眼鏡」。

亦有人表示「「港女係港男一手縱成的」。非當事人Getty圖片

亦有網民指香港女尊男卑，歸咎港男過份縱容港女所致「港女係港男一手縱成的」、「港男過度縱容，引致今時今日女權嘅出現」、「我淨係見到啲港男幫女人挽手袋已經覺得xx」、「我親自目到過我朋友因為工作遲咗五分鐘左右接女朋友，換嚟隨手一罐飲品車埋佢面到，第二日隻眼腫晒咁返工」、「男打女就家暴，女打男唔知算咩」。

帖文來源：Facebook群組「大埔TAI PO」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」