演而優則唱的謝東閔（Brian），最近推出新歌《同在》，講述每人跌入情緒深淵時，並非獨自面對，身邊都有很多天使陪伴。
謝東閔（Brian）接受本網專訪時，透露自導自演新歌《同在》MV：「呢首歌係自己嘅心血結晶，因為係第一首個人作品，之前唱嘅都係劇集歌曲，最開心就係公司肯俾機會我，俾錢我自己做。」Brian特別感激一班朋友的援助，包括新歌監製及編曲周錫漢（Randy）與作詞人T-Rexx，還有組合EO2成員Otto在MV拍攝現場幫忙打點。
點擊看圖輯
謝東閔（Brian）首次自導自演新歌MV《同在》。（本網記者攝）
新歌《同在》Cover
Brian講述新歌《同在》概念。（本網記者攝）
《同在》整個MV都在水底拍攝，因為Brian認為水底有一種淒美的感覺。
與美女潛水教練余曉彤演水中戲。
二人在漆黑當中挑戰水中拍攝。
憑歌寄意鼓勵樂迷走出困境。（本網記者攝）
Brian今年跟同是《超級巨聲2》出道的吳業坤（坤哥）及陳凱彤等，合資7位數在灣仔成立音樂學校「Variety Music Academy」。
Variety Music Academy
Brian擔任導師。
Brian希望在課堂上令每一位學生感受到歌唱和演奏樂器帶來的快樂。（本網記者攝）
謝東閔（Brian）首次自導自演新歌MV《同在》。（本網記者攝）
新歌《同在》Cover
Brian表示今次新歌不再談情，反而以勵志為題：「每個人都會有好唔開心嘅一面，可能唔開心到跌咗落個深淵，置身喺睇唔到盡頭嘅水底，但最後總會有守護天使會推返你上嚟，可能係任何人或者事物。」在生活和工作遇上難關時，Brian興幸身邊出現了不少天使：「拍戲拍到好氣餒，會收到好多前輩們嘅鼓勵，人生有唔如意嘅時候，屋企人又會第一時間提點同幫忙。我隻狗係我唔開心嘅時候，又會氹我開心！」不過Brian認為去到最後，要相信自己都有能力拯救自己：「最緊要係要自己識拉返自己上去！」
Brian講述新歌《同在》概念。（本網記者攝）
《同在》整個MV都在水底拍攝，因為Brian認為水底有一種淒美的感覺。
與美女潛水教練余曉彤演水中戲。
談到整個MV也在水底進行拍攝，Brian認為水底好有淒美的感覺，十分迎合新歌主題，因此決定把大部分製作預算全花費在水底拍攝：「我覺得水底有一種淒美、孤獨嘅感覺，尤其是喺深海黑黑哋，打好少燈就有呢個感覺，同埋我入行咁耐都未試過拍水底，趁今次有機會就拍下囉。」Brian表示在水底拍攝難度很高：「加加埋埋差唔多拍咗12個鐘，因為我未試過喺水底張開眼咁耐，隻眼有啲辛苦，啱啱拍嘅時候都幾唔慣，拍攝嘅時候我浸咗成晚水，浸到塊面都漲晒！」
二人在漆黑當中挑戰水中拍攝。
憑歌寄意鼓勵樂迷走出困境。（本網記者攝）
Brian透露拍攝MV期間遇上不少阻滯：「拍嘅時候犀利咯，改期改咗兩次，兩次都係因為八號風球，第三次仲諗今次應該冇事啦，點知大雨到好似打風咁，之後我哋就嗱嗱臨去拍，好彩個水底睇唔到，其實上面落緊傾盆大雨。」談到今次MV女主角，邀請到靚女潛水教練余曉彤（Hidy）出演，Brian笑言十分滿意：「女主角Hidy係經朋友介紹嘅，佢又靚，潛水又叻，身形又好，喺水入面嘅肢體同動作好靚，我冇佢咁好經驗，所以幫咗我好多。」
Brian今年跟同是《超級巨聲2》出道的吳業坤（坤哥）及陳凱彤等，合資7位數在灣仔成立音樂學校「Variety Music Academy」。
Variety Music Academy
Brian擔任導師。
今年初，Brian跟同是《超級巨聲2》出道的吳業坤（坤哥）、陳凱彤，以及幾名好友合資7位數在灣仔成立音樂學校「Variety Music Academy」：「大家成班一齊入行到依家十幾年，都希望可以一齊幫到一啲鐘意唱歌嘅朋友，或者幫到啲小朋友提高音樂嘅興趣，因為音樂如果聽得多，或者比較有興趣嘅話，其實某程度上對自己嘅修養都會好啲嘅。」Brian表示會親自落場擔任導師：「9月我有個演出，會帶埋學校一班小朋友同我一齊唱歌，另外仲有好多星級導師陸續加入，好似有陳國峰同蘇韻姿等。」Brian對音樂學校未來發展充滿信心，呼籲大家多多支持：「賺錢雖然係緊要，但幫到一班學生培養音樂興趣更加重要，呢個先係我哋嘅音樂學校主旨。」
Brian希望在課堂上令每一位學生感受到歌唱和演奏樂器帶來的快樂。（本網記者攝）
