蔡潔借住醉意向展鵬表白，好彩陳展鵬把持得住！
由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，逢周一至五晚9點半翡翠台播映。昨晚（24日）播出的一集，劇情講到蘇菲（蔡潔飾）陪同港仁（陳展鵬飾）去珠海傾生意，後來蘇菲飲醉酒獲港仁送回酒店，對港仁餘情未了的蘇菲借着酒意告白：「點解你當年要失約，如果你有嚟到嘅話，我哋世界就唔同晒…」蘇菲說罷情不自禁吻向港仁，而身為愛妻號的港仁最終把持得住，用手指放在嘴前拒絕蘇菲獻吻！
點擊看圖輯
蔡潔陪咗展鵬去珠海傾生意。
蔡潔借住醉意向展鵬表白，仲想咀佢添。
好彩展鵬把持得住，用手指隔住。
蔡潔嘅白滑玉背勁吸睛。
蔡潔幻想同展鵬一齊嘅畫面，好Sweet呢。
姑嫂好聲音！吳若希同戴祖儀合體獻聲。
梁漢文同吳若希超近距離接觸。
仲搞到仆倒！
蔡潔陪咗展鵬去珠海傾生意。
蔡潔借住醉意向展鵬表白，仲想咀佢添。
講到該場床上獻吻戲，蔡潔受訪時坦言沒有尷尬：「大家都係專業演員，嗰場主要係講個氣氛，大家都係盡力去演出嗰場戲嘅氛圍，展鵬厲害之處係唔會令你緊張，我哋喺輕鬆嘅氛圍下完成拍攝。」蔡潔坦言獲悉與展鵬合作時，曾經擔心招架不住：「因為我嘅角色要Lead住佢嚟行，我喺度諗佢氣場咁勁，我得唔得㗎？而展鵬喺劇中對住我同吳若希都係處於下風，但佢Carry得好好，演到港仁嘅可愛同天真面，一出場就會Catch到大家嘅眼球，但又唔會太鋒芒畢露，我終於領教到視帝嘅功力。」提到大露背晚裝大晒白滑玉背非常搶Fo，蔡潔笑言：「我都覺得個造型好靚，其實嗰件晚裝上半身只係得一塊布，但出嚟效果好靚！」談到美白和健美心得，蔡潔大方分享：「我以前好鍾意飲牛奶，可能同飲得多牛奶有關係！同埋我幾喜歡練背肌，但唔係練大隻嗰種，練背肌除咗可以保護脊椎令到女士線條更凸出，仲可以令到塊面更Firm。」
好彩展鵬把持得住，用手指隔住。
蔡潔嘅白滑玉背勁吸睛。
蔡潔幻想同展鵬一齊嘅畫面，好Sweet呢。
另邊廂Helen（吳若希Jinny飾）誤打誤撞下，為姑仔寶怡（戴祖儀Joey飾）擔任了幕後和音，從而被張帥（梁漢文Edmond飾）發掘歌唱天賦，邀請她參加踢館賽，造就兩姑嫂同台！今晚（25日）播出一集，Jinny和Joey將會合體獻聲，以型格「黑雙煞」造型獻唱《Crying》，兩人一唱一和非常合拍，張帥最終選了Helen做學員，惹來寶怡醋意爆發！今晚Jinny和Edmond將有一場拍攝宣傳照場口，惟要近距離接觸的兩人全程怕怕醜醜，最終更仆倒收場。
姑嫂好聲音！吳若希同戴祖儀合體獻聲。
拍劇有助增加自信開個唱？
講到劇中有不少唱歌場口，Jinny受訪時透露：「喺未拍呢套劇之前，我係未試過企喺一個咁大嘅舞台演出，所以有好多唱歌場口真係有一種開騷嘅感覺。而開完呢套劇之後，我先夠膽開屬於自己嘅個人演唱會，呢套劇喺唱歌事業方面真係幫咗我。」提到與前輩Edmond合作，Jinny大讚說：「佢親和力好強，同佢做對手戲唔會好驚，同埋佢會令到我好想同佢傾偈，合作得好開心，好似多咗個哥哥咁！」
梁漢文同吳若希超近距離接觸。
仲搞到仆倒！
