盧廣仲相隔十三年再登紅館開騷 準備特別設計環節送香港樂迷

盧廣仲十五周年巡迴演唱會去年已開展，今年廣仲終來到香港跟樂迷見面。

這次相隔十三年再踏上紅館，於三月十六日舉行一場「盧廣仲勵志的演唱會香港站」，日前優先訂票在短短兩小時內火速被隊員（盧廣仲fans暱稱）搶空。

盧廣仲相隔十三年再踏紅館。

入行十五年，向來幽默的盧廣仲笑指自己最大改變是年紀大少了穿短褲。而作為音樂創作人，面對AI（人工智能）的威脅，他本人表示輕鬆看待，但也認同AI的發明確是很了不起。

相隔十三年再在紅館演出，盧廣仲亦接受訪問，大談今次再開騷及入行十五年的感受。再踏紅館舞台，廣仲本身又有甚麼期望呢？他想了想說：「我希望可以唱得更久一點，年青時候的我的表演方式是比較爆衝，每一首歌都用盡全力。現在的我，三十歲以後的表演風格是比較有彈性，大家可以來紅館看看我現在的風格有甚麽改變。」

演唱會海報

跟香港歌迷再見面，廣仲坦言會有特別設計的環節給香港歌迷。他笑說：「我記得十三年前的演唱會有十八銅人的dancer，我自己都覺得好好笑。我們公司辦演唱會都會加入一些我們覺得好玩的橋度。這樣才可以讓氣氛很快樂。」被問到會否唱廣東歌？他就笑着猶疑了一會：「廣東歌的話...哈哈，有機會。我這幾年都聽得蠻多廣東歌， 2023年有幾首常聽的都是廣東歌。」他透露最近常聽的有林家謙及Gareth.T.的歌曲，覺得都蠻好聽的。

門票兩個鐘被搶購一空。

2008年，盧廣仲推出首張個人專輯《100種生活》，一直到現在，他的歌曲都是充滿生活感及正面訊息，是否反映了他個人的性格都是這樣的呢？他覺得寫歌是有一種補償作用，好像他沒有去過很遠的地方，但可以將很遠的地方寫在歌曲入面，感覺自己去過。他說：「我也不見得是百分之百超級positive，可能稍也有憂鬱的時候。寫歌是一個理想，我的歌迷可能跟我一樣，對未來抱着同樣理想的一群人，聽我的歌會感動。我是以這個角度去寫歌，如果你在我的歌聽到生活感，代表我們是同一類的人。」他又謂近年流行九型人格，他自己便是i型（內向）人，感覺自己的歌迷也是i型較多。

轉眼間入行十五年，他又覺得自己最大改變是甚麼呢?他又發揮其幽默感，笑說：「最大改變是年紀大了，怕濕氣，穿短褲很易中風寒，哈哈。以前我冬天都穿短褲，有點神經病。現在發現有時冬天真的很冷，寒風吹來身體就不好。年紀大比較養生，要把膝蓋遮住。我覺得這是肉眼上看到盧廣仲最大的改變。」他覺得自己在三十歲以後，覺得心靈健康也很重要，所以都會在音樂上跟大家分享如何療癒自己的心靈。他說：「這亦是我十五年來一直都有堅持的，身心靈健康的重要性，要有健康的mind set，我一直跟大家分享養生，走路是很健康，吃維他命C。」

廣仲怕濕氣所以減少穿短褲。

堅持養生！

近年AI的發展之快，令台灣RAPPER熊仔亦在台灣金曲獎上問台下的音樂人會否害怕Chat GPT。作為音樂創作人，廣仲覺得AI發展對音樂創作輕鬆看待，但他亦認同這是一個很了不起的發明。他說：「Live珍貴的地方就是因為每一個靈魂都獨有的，不管是表演者或是聽眾，每一場演唱會都是很獨特的存在，因為都是在不同的地方，有不同的組合。這是AI永遠都無法取代的。」

他指真人表演樂器的聲音與質感是不同，他也有聽過AI歌曲，聽起來是好聽，但不會感動。他覺得大家看演唱會，除了聽音樂，也是尋求被感動。他說：「我會期待AI未來有甚麼發展，但不會害怕被取代。我聽過AI孫燕姿，真的很像，但是不一樣的。」他又想有個AI盧廣仲嗎？他聞言哈哈大笑說：「哈哈。我有試過請Chat GPT幫我想歌詞，網上也有人用來作曲，確是很了不起。」至於電腦是否暫時仍未能取代人腦呢？廣仲覺得要看項目，有些要計算的東西，相信AI是可以代替人類處理。但如果是表演或是帶有靈魂的創作，AI目前未能做到。

廣仲準備特別設計環節送給香港樂迷。

踏入2024年，盧廣仲又會再拍電影或電視劇嗎？他指做演員這件事，是很有彈性的，只要有好劇本或是有趣的便會做。去年拍攝了一部電影，導演都有叫他唱主題曲，他笑說：「可以演戲又可以做音樂創作，一舉多得。」他又指2023年太忙了，他都希望2024年有機會放假休息，去一趟旅行。他渴望去一些可以走路走很久的地方，他說：「我很喜歡走路，我在台北都一直走路，最想去風景美的地方，我一天可走十幾廿公里的。」

除了爸爸，Jaime與媽媽和細佬感情都好好，平日一家人都會一同拍片玩。

張天穎（Jaime）早前推出全新廣東歌《低調》，更特別請來親爸爸為新歌featuring彈奏琵琶，Jaime指新歌《低調》的構思是來自爸爸經常教她做人要「低調」，因而有感而發，將爸爸教導的「低調做人，高調做事」寫成一首歌。

本網記者攝

Jaime早前推出全新廣東歌《低調》。

Jaime表示：「Instagram啱啱出嘅時候呢，我都成日share好多自己生活上嘅點滴、moments上去，咁每次影到爸爸嘅時候呢，爸爸都會對住個鏡頭就講：『唉，低調啦，低調啦，唉，唔好post我啦』咁樣咁樣，之後佢就話『低調做人高調做事呢啲唔使影我咁多㗎啦』，所以佢就有一個口頭禪就叫做『低調』啦。」

觀看相關影片按連結：https://youtu.be/rr0x8bu0nrw?si=S68ZmC5J0UR-b0Yh

本網記者攝

今次會邀請爸爸一同合作，原來Jaime一直有和爸爸Jam歌，爸爸彈琵琶，她彈結他及唱歌，曾中西合壁cover過AGA江海迦的《小問題》及BLACKPINK的《How you like that》，「我又覺得其實都幾得意啊，聲音上聽落，所以我就覺得會唔會，整一首咁樣嘅歌呢，咁我又想試下feature爸爸嘅talent，所以就膽粗粗問佢，因為佢不嬲低調，佢好難出鏡㗎其實，佢就肯咗囉，因為就係彈琵琶，即係通常其他佢唔肯，但係琵琶係一樣佢都好鍾意嘅音樂啦，佢都係中學開始彈琵琶，所以我諗佢都鍾意表演嘅，咁所以佢就『好啦，彈琵琶就幫你一次啦！』」

Jaime一直有和爸爸Jam歌。

曾壁cover過AGA江海迦的《小問題》及BLACKPINK的《How you like that》。

BLACKPINK的《How you like that》更是全家出動。

全家都玩得好投入。

問到與爸爸合作會否特別緊張？或者爸爸又會否特別緊張？Jaime直言完全不緊張，反而好興奮，因為一家人的關係一直好似朋友，平日都會一同拍片玩，但就擔心歌曲和MV推出後的回響，擔心爸爸會被負責留言影響，所以會先給爸爸心理準備，並和他說：「唔使理㗎，你have fun就得㗎啦，我哋盡力行好，盡力做好，你have fun就得㗎啦。」

Jaime對和爸爸合作完全不緊張，反而好興奮。

爸爸都樂在其中。

本網記者攝

Jaime亦覺得爸爸完全不緊張，而且好快上手，「佢都幾好、都幾玩得啊，錄琵琶嘅時候就因為係喺我自己studio錄嘅，之前都有同佢合作過，佢都喺我studio度錄緊音，所以佢就應該好舒服嘅啦。」Jaime又笑指爸爸在MV中對自己的衣著和髮型都有想法，但和造型師討論後，他亦會接納其他人的意見，「所以佢（爸爸）又冇緊張，我反而覺得佢幾have fun嘅。」

Jaime覺得爸爸亦完全不緊張，而且好快上手。

又笑指爸爸在MV中對自己的衣著和髮型都有想法。

至於其他家人，Jaime笑指當家人知道爸爸要上鏡，「好早就問我爸爸做咩衫呀？使唔使剪咩頭髮呀？化咩妝呀？」因為家人知道拍攝時間好緊張，就算有一個月時間準備，可能到最後計劃依然有變，所以一早做了很多準備。問到其他家人會否都會想合作？Jaime就表示媽媽和弟弟都比較低調，「我細佬讀緊書啦，我媽咪就真．低調啦，佢係怕醜添，唔係好鐘意出鏡嘅，仲罕有過爸爸，所以嗰一日拍BTS嘅時候，有鏡頭對住佢，佢都話：哎唔好啦唔好影我啦，影爸爸得啦』」咁。」

本網記者攝

本網記者攝

提到有和全家人一同拍片，媽媽除了有上鏡，還哼了幾個音讓Jaime創作出一首歌《LIAR》，Jaime表示：「我有一個series叫做《本故事不純屬虛構》，咁就係有街訪、有問唔同嘅人、有唔同嘅artist朋友啦，同埋屋企人我都有叫佢哋玩埋一份嘅咁樣，我係make sure咗佢哋OK，我先出條片嘅，咁咁啱因為媽咪話：『好啦，我又想玩佢咁樣』，佢自己講喎，『我使唔使畀幾粒音你啊』，佢講吓笑咁講，我話可以㗎，你肯唔肯啊？佢話：『好啦』，咁樣佢就畀咗啦。因為佢哋畀我㗎嘛個inspiration，所以我作好嘅時候呢，我就諗住播翻俾畀佢哋聽，睇下佢有咩feedback。」

Jaime有一個短片系列，叫《本故事不純屬虛構》。

其中她用了媽媽提供的幾粒音創作出《LIAR》。

問到今次和爸爸正式合作後，會否想再與家人，或與男朋友Ansonbean合作？Jaime笑指想和弟弟合作，「其實如果今年全部同屋企人合作都幾搞笑嘅，但係如果同男朋友就呢個順其自然啦，我覺得每人今年都有一個timeline，我自己都有一個小目標，我就係想希望呢一個series出30集嘅，最尾就揀8至9首歌嚟整一個album，所以都係一個幾繁忙嘅timeline，咁佢（Ansonbean）應該都自己有自己嘅timeline，如果夾到嘅話都唔排除嘅。」

Jaime話同男朋友Ansonbean合作順其自然。

不過，Jaime新歌推出後，都有同男朋友Ansonbean拍dance challenge。

提到《本故事不純屬虛構》這個系列，Jaime透露30集的內容及歌曲都已構思得七七八八，只是未拍片及剪片。除了拍片，Jaime今年亦計劃出碟，「因為我覺得30首歌，你再揀8、9首，話難唔難，但真係要用時間去做，而我覺得8首歌嚟講，如果我又有啲想拍MV呢，其實都真係差唔多，如果好彩嘅話，就睇下會唔會開一個mini concert，但係我覺得album為主，我覺得可能今年都爭啲啊，我驚係要橫跨到出年先可以推出到，所以我諗目標就係真係推出到個album先。」如果成功舉辦個人小型音樂會，她都希望邀請爸爸上台一同表演，「呢個係我夢寐以求嘅夢想啊，但係佢好低調啊......你唔知佢諗咩㗎，可能佢嗰一刻覺得：『唔好啦唔好啦，你第一次個唱，個光芒留畀你啦』，或者『嘩，你第一次過唱梗係要上台啦！」要睇下佢嗰陣時嘅狀態係咩囉，但係我一定會邀請佢。」

本網記者攝

本網記者攝

Jaime

髮型：Prudence @ Artify Lab
服裝：Sandroparis
造型：Natalie @ Fameglory
場地提供：怡紅院火鍋料理