九龍灣三餸飯外賣「白菜肉片」得4塊超迷你肉粒 店家神回覆焫着食客

港男於九龍灣餐廳買三餸飯外賣，打開飯盒後發現「白菜肉片」只有4粒超迷你肉粒，店家神回覆令他更嬲。

(FB圖片）

外賣三餸飯「白菜肉片」 得4粒超迷你肉粒

該港男於facebook群組「飲食黑店大全」發文，表示日前以外賣平台購買了九龍灣某餐廳的三餸飯，分別點了白菜肉片、西蘭花蝦仁及菜心，價值60元。不過，當他打開飯盒後卻大失所望，當中的「白菜肉片」變成了「淨白菜」，在樓主的苦苦搜尋後，才發現4粒超迷你肉粒。樓主揶揄表示「你寫白菜肉扒呀嘛」。

《賭俠2》劇照

店家神回覆更火上加油

樓主心感不滿，致電給該餐廳要求退款，但店家的回覆卻出乎意料「夠膽講佢地係主打菜，肉係少啲呢啲狗話。話咩下次現場嚟到可以講多肉片」。這下令樓主怒上加怒，斷言「冇下次，希望係成個香港所有人對呢間嘢冇下次」。

《賭俠2》劇照

網民批評餐廳過份「咁做生意，點會有回頭客？」

帖文曝光後，不少網民批評餐廳離譜「咁做生意，點會有回頭客？」、「搏D人叫外賣平台睇唔到佢地𢳂餸，呢啲舖頭可以入黑名單」、「咁又真係過分咗d，夾埋都冇一片」、「唉香港啲食肆好多都已經放棄治療」、「呢啲雪藏肉本身已經唔值錢，衰到連呢啲都慳」。

《狀元蘇乞兒》劇照

網民嘲「粟米六粒飯d Friend」

有人則笑言「明明系肉扒，點食得曬？」、「買外賣真係同抽盲盒無分別」、「以為盒餸入面有幾隻牙」、「我以為煙頭」、「牙罅撩出嚟d渣仲多過佢」、「健康啲，少D紅肉，老闆是對的」、「其實係咪豬油渣炒菜心？」

《狀元蘇乞兒》劇照

有網民透露亦曾中伏

有網民表示試過同樣中伏「大圍呢間xx都係好難食，差唔多$50一個牛腩，全部都唔可以食得，根本就係柴皮」、「呢間食x，又少又多油」、「一年前去買叉燒，收50蚊比10蚊既份量我，我已經唔再幫襯」、「呢間食親都肚屙，便秘嗰陣時先食㗎，咁多油」。

早前，有食客於另一兩餸飯店，點了西蘭花蝦仁，但只有「一千零一隻蝦」。（FB圖片）

帖文來源：facebook群組「飲食黑店大全」

港男家中陷財困需賣樓解困，但母親將雜物塞滿600呎單位導致一屋蟲屍，令他欲哭無淚指「根本冇人想要」。

(FB圖片）

母親囤積成癮在單位塞爆雜物

該港男的女友於Facebook群組「香港突發事故報料區及討論區」發文，表示「男友叫我代po唔想揚」，她提到，男友的父母住在一間約600呎的自置單位，但因母親長期囤積各種雜物，家中只剩50呎的活動空間。

物品堆疊至天花板衛生狀況惡劣

從照片可見，客廳內堆滿了一袋袋及一箱箱的物品，物品堆疊至已經剝落的天花板。窗戶也被雜物遮擋，室內冇光非常陰沉。而屋內僅剩一條狹窄的通道勉強通行。樓主表示這些雜物不僅影響了居住環境，還引來蟲蝨，衛生情況惡劣。

(FB圖片）

男友父親出現經濟問題需賣樓但單位無人問津

該女網友指男友的父親最近遇到經濟問題，「要用好大金額」急需賣樓籌錢，但由於單位狀況太差，根本無人問津「層樓而家咁樣根本冇人想要，成間屋又多雜物多蟲屍，仲要唔知係咪蚤，上親去一定比嘢咬。」。

男友難頂母親惡習已搬離

樓主又指，男友的母親並不覺得自己的行為有問題，認為自己帶回來的物品沒有影響到他人。他們曾經建議父母離婚，但母親也拒絕與家人溝通解決問題。男友亦「頂唔順」，早已搬出自住，但回家後發現情況依舊沒有改善，甚至愈加嚴重。

(FB圖片）

家中有大量蟲虱清潔公司拒絕接案

男友也因為家中有大量床蝨，被叮咬引起皮膚敏感和痕癢，家人曾經嘗試過找專業的清潔公司，但對方一聽到家中有大量雜物和蟲害問題，都不願接案。樓主無奈表示「到底點可以解決到呢啲囤積問題？唔通真係要東張先唯一辦法？有咩執屋公司可以幫到？」

GETTY圖片

網民籲帶母親求醫解開心結

帖文引熱議，不少網民提議帶男友的母親求醫，了解她的心理問題，逐步說服她接受改變「屋企人可能要睇醫生，或許是精神科問題。囤積症」、「通常有呢種情緒病都係因為心結，想化解呢啲問題係要搵專家同佢傾」、「真係要想辦法捉佢去睇醫生，執100次屋都冇用」、「冇得救啦！你同佢掉左執過又點，下次又黎。直接叫佢睇醫生啦」、「睇心理輔導，疏理吓個人情緒，客觀地討論賣樓嘅必要性，要佢明白無太多選擇嘅情況下需要放下」。

Getty圖片

帖文來源：Facebook群組「香港突發事故報料區及討論區」