無綫吳璟儁料入政制局做政治助理

林鄭班子正密鑼緊鼓搵副局長及政治助理，其中一個知名人選係無綫新聞主播吳璟儁，佢會入政制及內地事務局做政助。

知情人士話政府搵咗吳璟儁，佢亦接受咗邀請，而家做緊品格審查，成事的機會很大。

據悉政府睇中吳璟儁的傳媒經驗與人脈，希望藉找他入局，加強政制局的宣傳工作。

吳璟儁畢業於中文大學政治與行政學系，2006年加入無綫收費電視新聞台任主播，於2007年轉職翡翠台出任記者，2016年獲晉升為助理採訪主任。

Ariel

** 博客文章文責自負,不代表本公司立場 **

「廚壇魔術師」楊尚友（Christian）主持飲食資訊節目《東方表行 Take Your Time 呈獻︰老友記》，今晚（19日）九點半TVB Plus（82台）播映最後一集。

Christian推介西環一間燒味店，燒鵝做到皮脆肉嫩。

Christian幫手醃製燒鵝。

今晚（19日）楊尚友（Christian）繼續在西環覓食，推介一間燒味店，該店憑一碗燒鵝髀瀨粉賣到街知巷聞，更連續多年成為米芝蓮必比登推介店。Christian認為「斬料」是香港一樣很重要的食物，可謂「由細食到大」，所以每一位香港人都是燒味專家。

今集介紹的燒味店可以分成兩個階段︰老店跟新店，老闆吳先生在舊舖接手姨丈的燒臘店時，燒味是靠別人供貨，直到搬到現在的新舖，他才扚起心肝炮製自家出品，他解釋說︰「因為焗住要自己做，嗰時連燒爐要用咩溫度先燒得最靚都唔知，咪慢慢燒日日試囉，試唔啱就掉。燒腩仔都係呢幾年先爆得靚，之前都唔識點爆。因為我真係無師傅，亦無人問只有上網睇。」

香港人由細食「斬料」到大，所以人人都可以是燒臘專家。

西環名物之一的燒鵝髀瀨粉。

吳先生想起當初開店，以為只是手板眼見功夫，每日傻到去別人店偷師學斬料，到正式埋砧板才知難，他笑說︰「開頭真係好慘，做到頂唔順走返去揸的士，老婆惟有請師傅頂我個位。初頭睇姨丈做真係以為好易，心諗佢攞啲貨返嚟斬都咁多客，實無問題啦。」事與願違舊客見換了老闆便調頭走，吳先生無奈說︰「直情30蚊嘅機會（幫襯）都唔畀我，一路做到無晒意氣，瞓唔到又喊，嗰時先知真係咁難。」好在吳先生有一位賢內助堅持及撐下去，兩夫妻努力下成功殺出血路，有了現時的光景，吳先生自豪說︰「以前姨丈啲客到而家只佔二成左右，其餘都係自己儲返嚟嘅新客。」

該店的燒腩仔及叉燒同樣出色。

老闆吳先生直言能撐到現在，全靠身旁的賢內助。