香港警察今早約11點，在其Facebook專頁放了一段宣傳片《道路安全回帶系列#2》，片末打出八個大字「跟車太貼 易生意外」，並叫大家「時刻保持兩秒距離」，片中車牌DP2877，而民主黨英文名The Democratic Party，也是「DP」，令人聯想警察話DP好77囉。
這條跟車太貼影片碰上警方昨晚漏夜拉了民主黨林子健涉嫌作故仔浪費警力，自然引來外界不少聯想。
當然警察是否有意抽水冇人知，但回顧今次事件，佢地心中有少少氣，就不難理解。上周五林子健及一班泛民元老出來開記者會，講到內地強力部門在港禁錮毆打港人，警察又被立法會反對派議員質疑保護港人不力，故要快破案的壓力自然不少。
但林子健搞了場大龍鳳後，卻扭擰擰唔肯向警方落口供俾詳細資料，講到事發地點又含含糊糊，兩度改口，搞到警察過去幾天出動大量警力，幾乎反轉旺角及油麻地搜證。
到外界收到風話林子健無落口供，林子健反而倒過來批評警方放料打擊他。警察被玩了幾天，心中多少都㷫㷫地，到證明到單案係流嘢，拉人之餘，出個貼子抽下水又有何出奇。
至於段跟車太貼的宣傳短片，在此時刻回帶重播，這段片放上Facebook 5個鐘，已有1.8萬人溜覽、逾220個分享，在900多個反應中，有逾500個like，亦有300多個哈哈，看來網民都覺得在這片在此時重播甚有幽默感。
Ariel
** 博客文章文責自負,不代表本公司立場 **
