本港疫情持續，政府預告下月底前擴大疫苗氣泡，有女網民於討論區發文指，公司要求員工下月必須接種新冠疫苗，惟她擔心打針後出現嚴重副作用，陷入兩難，故向網民詢問應打針或選擇辭職。
資料圖片
該名女網民於「香港討論區」發文指，公司「落咗聖旨」要求員工下月必須接種新冠疫苗，但沒有明確說明拒打針者會否被辭退。她擔心接種疫苗後會有嚴重副作用，影響健康，「始終疫苗副作用可大可小」、「講真要打真係搵命博！直接講對疫苗係無信心！」。樓主直言對現時處境兩難，遂向網民詢問意見，「而家得兩條路，一係打（針）一係辭（職），畀你點揀？」
資料圖片
資料圖片
帖文引起網民熱論，有網民認為應視乎個人經濟能力，再決定是否辭職，「我始終覺得打針應該自願㗎！唔應該逼人打！但如果你無咗呢份工就無飯開嘅話，咁都無辦法啦，但若可以撐得住就辭職啦」、「各有所求，睇自己需要囉，唔通無錢，仲唔要份工咩」；但有人批評事主拒打針行為自私，「多想想你身邊的人，打針唔係你一個人嘅事」、「樓主真係好自私，打針為已為人㗎」。
公司要求員工必須接種疫苗，惟打工仔憂副作用不知應如何是好。資料圖片(示意圖)
資料來源：香港討論區
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
