《愛‧回家》除夕當日仍開工 劉丹爆劉愷威已返港

呂慧儀避談張景淳遲到事件，劉丹幫「女婿」講好說話。

《愛‧回家之開心速遞》四位演員劉丹、滕麗名、呂慧儀及蘇韻姿一起為《金虎獻瑞耀保良》節目錄影。他們表示除夕當天仍要繼續開工，當日會在廠內一起吃團年飯，劉丹笑言：「食物大多由女士們負責，我只負責食，大年初一至初三放假。」劉丹透露兒子劉愷威已回港，他說：「今年應該係佢喺香港度歲較長時間嘅一年。佢已經隔離過兩次，今次由內地返港只需隔離七天及家居隔離。」

《愛‧回家之開心速遞》除夕開工兼食團年飯。

滕麗名早前獲多位好友送上蛋糕為她慶祝生日，她笑謂：「從未試過收到咁多蛋糕，足足有十多個，所以許咗好多個願望，但最緊要係疫情盡快過去。」她又表示今年收到這麼多蛋糕，是因為過往生日也不在香港度過。在旁的劉丹取笑她說：「生日蛋糕都有得儲，哈哈！」

《金虎獻瑞耀保良》節目錄影。

劉丹透露劉愷威已回港。

呂慧儀的拍檔兼飾演老公的張景淳（龔燁）早前因為經常遲到而被公司高層訓話。呂慧儀被問到這事件，即時將話題拉開說：「今日錄影部份將喺年初一播出，新年新氣象乜都會好，疫情亦會好轉。（你可有了解一下傳聞？）因為一個人講愈傳愈誇張，其實冇乜事，大家都好勤力做好本分，最勤力就係爸爸劉丹。」在旁的劉丹也幫口說：「有冇聽過一個笑話，人家話山上有個窿，傳下傳下變成山上有條龍。」呂慧儀即表示無謂再談論這件事，大家會愈早愈好，爸爸教得很好，熊家無論裏裏外外也教得很聽話，連女婿也很聽話。

呂慧儀避談張景淳遲到事件。

《愛‧回家》除夕當日仍開工 劉丹爆劉愷威已返港

近日離巢的蘇韻姿有新動向！

已離巢TVB的蘇韻姿（Andrea）偶爾分享靚相大派福利，不少粉絲很關心Andrea的新發展，原來她近日加盟了謝東閔和吳業坤的音樂學院當音樂劇兒童歌唱班老師。

蘇韻姿有新動向

露背造型很吸引

叮叮內留影

蘇韻姿教小朋友唱歌

美艷動人

晒長腿

有很多新嘗試

Andrea於IG分享在叮叮拍攝的靚相，她說：「🚋 Ding ding My favourite mode of transport in hk, I love the slow pace, the mild breeze and the easiness of life as you watch the lights go by…」杜以辰大派心心眼：「😍😍😍」趙璧渝大讚：「Gorgeous ✨✨」Andrea分享近況：「嚟緊會喺謝東閔同坤哥開嗰間音樂學院教小朋友，係一個短暫嘅課程，之前都有試過幫小朋友補習，或者教小朋友唱英文歌，其實本身都好鍾意小朋友。都幾得意，心如現實又可以做一個老師，幾得意嘅體驗。」她又謂：「離開公司之後有好多嘢想嘗試，可能之前拍攝時間唔穩定，唔容許我可以做到呢啲嘢，始終教小朋友，每日要有穩定嘅時間，我想認真對待，唔想因為拍嘢而影響教班嘅進度。𠵱家係Perfect嘅Timing，本身好想做呢樣嘢，亦都鍾意同小朋友相處，𠵱家就可以嘗試。」她表示：「教育方面都係有興趣嘅，本身都有幫人補習過，嚟緊都有傾緊唔同嘅合作，稍後再宣布畀大家。演藝方面亦有其他嘗試，例如直播工作同拍攝工作，可以喺唔同嘅位有新嘗試同發展，呢種彈性都係我想追求嘅事。多謝大家留意同支持！希望我喺唔同嘅範疇發展會愈嚟愈好，亦希望大家見到我喺唔同嘅位置都可以做到發光發亮。」