黃心穎晒姊妹合照賀33歲生日 捧蛋糕笑容勁燦爛

開心。

黃心穎自2019年被爆不倫戀後，生活都變得低調，近年都冇再喺幕前露面。而她的IG都只是有「大日子」才會出Po，去年聖誕節亦只分享狗狗與聖誕樹的合照。

黃心穎而家甚少出Po，對上個Po已經係賀聖誕節。

生日晒與兩個家姐嘅合照。

昨日（23日）是心穎的33歲生日，她在IG分享單人照、與兩位家姐的合照，並留言表示：「Thank you all 🎂🙏🏻🥰 and wish you all well too, it s been a long time. 🌹」看來心情極靚！

笑到見牙唔見眼。

黃心穎祝福大家！

黃心穎33歲生日蒲頭晒姊妹合照 捧生日蛋糕笑到見牙唔見眼

許志安好耐無接受深度訪問。

由黎芷珊主持的TVB新節目《芷珊約您》即將開播，其中一集邀請到許志安做嘉賓，於日前播出的預告片中，許志安被問及安心事件時，並沒有迴避，並直指是「一世嘅傷疤」。

安心事件發生後，許志安曾沉澱3年

新節目以世界各地的演唱會為主題，追訪香港歌手到各地開騷的背後故事。其中一集黎芷珊跟隨久未有接受深度訪問的許志安到澳門開騷，見黎芷珊問許志安：「你最灰嗰段時間，你對自己將來嘅事業仲有冇期望呢？」安仔認真回答﹕「唔夠膽講期望！啱啱呢個演唱會，我覺得最大唔同嘅係，即係我覺得初心係好重要，就算而家個台有幾細，我都唔怕，總之一響聲，我就有信心唱得最好。」當黎芷珊又問許志安有甚麼說話要跟十年後的自己講，許志安即說：「其實你好幸福！」被問到2019年的「安心事件」對他影響有多大時，許志安凝重地指：「一世嘅傷疤嚟㗎！」

黎芷珊跟隨許志安開騷

許志安直言「安心事件」係一世傷疤

2019年許志安與黃心穎出車廂激吻「安心事件」，事後許志安開記者會含淚道歉，暫別3年後正式復出，並到美國及新加坡等地開小型音樂會，仍獲大量歌迷支持。

復出後到美國及新加坡等地開小型音樂會

復出後仍獲大量歌迷支持