第5波疫情大爆發，當中葵涌邨一帶成為重災區。有打工仔於討論區發文指，公司一名男同事上周起生病，病徵疑與感染Omicron變種病毒十分相似，但全公司員工得悉後，竟千叮萬囑他不要接受檢測，擔心他一旦確診，「全公司一齊提前收爐，還要去隔離到成個農曆新年」。
資料圖片
該名打工仔於「連登討論區」發文指，其公司位於葵涌，員工不足20人，「平時一返到office（辦公室）個個除罩，老細都係咁」，其中一名男同事疑現omicron變種病毒病徵，「症狀都好似新聞講嗰啲」，他本來請了半天病假休息，惟一直未痊癒，每日繼續照常上班。
設計圖片
樓主透露，該名男同事認為只是「好小事」，而全公司員工得悉後，不但沒有人擔心「中招」，更千叮萬囑他不要做檢測，憂一旦確診染疫，全公司成為密切接觸者，屆時須提前收爐，入竹篙灣隔離過農曆新年。他又指，老闆得知此事後，亦未有著該男同事回家休養，並指「佢自己（男同事）都無話想放病假，還笑笑口咁同我地吹水傾偈一邊做嘢，大家都好似無乜所謂」。
設計圖片
帖文引起網民熱論，有網民建議樓主應盡快請病假避險，「建議樓主都係唔好返工，請下假先」、「全公司提早收爐算啦」；亦有網民批評該名男同事行為自私，「老細醒目嘅就畀佢返屋企啦，一陣全公司都中晒招，到時惹到屋企人」、「正常病咗就唔好返工啦，身體唔舒服，有齊病徵就返屋企休息下啦」、「咁自私咩，一間傳出去，搞到其他人成邨圍封」。
葵涌打工仔疑現Omicron病徵，每日繼續照常上班。unsplash圖片(示意圖)
資料來源：連登討論區
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
