今年的二月特別寒，凍到成日唔想起身返工，新聞就特別多，做到冇時間去WET，仲成日唔夠瞓。

 

唔知係咪天氣反常，啲老闆都反常埋，係反常地強硬。無論你平日點樣對公司有貢獻都好，反轉豬肚就係屎，睇吓李小姐被炒事件就係現實版，仲要日日受狙擊。

 

好彩仲有六千藍絲帶的支持，其實人生咪又係一場馬拉松，間中的波折算咩呀，點番首 " We shall overcome" 俾李小姐，唔知點解特別鐘意Joan Baez呢個獨唱的版本，可能李小姐事件，覺得佢有啲孤身作戰的無奈，聽住Joan Baez 近乎完美的天籟之音，清脆得嚟充滿力量，希望李小姐唔好放棄。

 





鑊鏟

** 博客文章文責自負,不代表本公司立場 **