張國林肉赤張偉文紅館騷暫停 尹光笑言Sell靚聲唔會被淘汰

環星音樂平台「聲級靚聲演唱廳」賀歲篇，累積超過42萬點擊。

疫情下嘅大年初四係開工吉日，當日「環星娛樂」老闆張國林率旗下歌手新春團拜。受疫情影響環星娛樂有幾個演唱會被迫延期，張國林尤其肉赤「靚聲王」張偉文本應追加3月嘅紅館騷都要暫緩，唯一可幸環星音樂平台「聲級靚聲演唱廳」點擊率激增，尹光笑言：「環星歌手Sell靚聲係唔會衰，唱歌係唔計年齡嘅。」

(左起)尹光、方俊、楊立門、張國林、張子丰出席環星娛樂新春團拜。

環星娛樂台前幕後齊齊「撈起」。

敖嘉年、楊立門、尹光及何婉盈各具實力。

當日尹光、康華、楊立門、何婉盈、張子丰、莫旭秋、敖嘉年和方俊(Aman)等齊齊「撈起」及切燒豬，之前經理人好友方俊出錢出力安排張偉文再接受微創腰椎手術，術後張偉文雙腳有返啲力，原先打算3月再登紅館，但計劃趕不上預期。方俊表示好可惜，因為有好多fans都支持張偉文，而新年期間方俊為朋友放生積功德，希望有朝一日偉文可以企得返喺舞台唱歌。

仲齊齊切金豬。

張偉文去年12月完成首場《友情有義演唱會》，方俊及姚煒做嘉賓。

方俊放生為朋友祈福。

環星音樂平台點擊率激增

至於張子丰喺疫情下會繼續出新歌《保持通話》，強調唔會因此而減budget；離開咗TVB兩年嘅敖嘉年稍後幫ViuTV拍劇，聽聞演員仲有3位MIRROR成員，所以都幾期待；楊立門之前喺環星音樂平台唱英文歌，他希望今年會搞到實體show；張國林話疫情下「聲級靚聲演唱廳」點擊率激增，其中喺年初一播出嘅賀歲篇收看人次已累積到42萬，都算係受歡迎，可能大家冇乜地方去。「環星一哥」尹光笑說：「我哋係老MIRROR，成熟派有成熟嘅市場，我哋Sell靚聲，唱到90歲戴假牙都要唱，永不言休，因為我可以唱粵曲、時代曲、仲Rap得，相當廣泛。」張國林點頭同意說：「環星歌手係唔會被淘汰。」

方俊出錢出力安排張偉文再接受微創腰椎手術，術後張偉文雙腳有返啲力。

環星音樂平台「聲級靚聲演唱廳」賀歲篇，累積超過42萬點擊。

敖嘉年、楊立門、尹光及何婉盈各具實力。

張國林肉赤張偉文紅館騷暫停 尹光笑言Sell靚聲唔會被淘汰

廟街推廣項目營運期延長半年至12月後，旅發局即推第二輪宣傳攻勢，包括有「廟街歌王」尹光出場重製經典歌曲《廟街》MV唱好廟街。

旅發局將現有的傳統特色燈籠裝置加長至300米。旅發局圖片

旅發局先將現有的傳統特色燈籠裝置，由「食聚廟街」攤檔段擴展至現時零售攤檔部份， 燈籠延綿約 300 米。百燈綻放，令廟街一帶盡添熱鬧喜慶氛圍。

尹光為出身地廟街拍MV唱好。 旅發局圖片

至於尹光的MV則已上載至YouTube供大眾觀賞。MV中尹光除了帶領外國遊客在露天食肆一邊嘆啤酒，一邊品嚐東風螺、 避風塘炒蟹等地道美食，又到夜市攤檔「掃街」。

在MV片尾還有尹光「吹波波」「彩蛋」，十分搞笑。

片尾彩蛋也十分搞笑。 旅發局MV

旅發局稱，期望透過尹光的標誌歌聲，邀請旅客與市民 重新探索廟街夜市，嚐盡街頭美食滋味。

尹光在MV中「掃街」品嘗小食，咬牙切齒。 旅發局MV截圖

尹光重拍MV宣傳廟街。 旅發局MV截圖

旅發局總幹事程鼎一表示:「乘着政府的『香港夜繽紛』系列活動，旅發局於去（23）年 12 月中展開 推廣，激活廟街，截至今（24）年 4 月初，估算超過 150 萬名旅客及市民到訪廟街，以『人氣』激活廟街， 成績令人鼓舞。旅發局感謝不同合作夥伴、旅客和市民的支持，並期望藉着推出新一輪的宣傳和延長 營運期，讓商戶把握契機，以『人氣』產生更多『財氣』，帶旺消費。」

尹光（左）在MV中和遊客一同大吃大喝，甚有風味。 旅發局MV截圖