今年想寫10首歌畀人 林奕匡直言恨攞男歌手獎

祝Phil今年有好成績！

林奕匡（Phil）早前推出EP《Philosophy》，集合了2021年推出的4首歌，包括新歌《解答》。 Phil坦承人生有很多事沒有標準答案，譬如有人會覺得他埋首音樂創作很悶，而他卻樂在其中。談到頒獎禮，他直言仍對「男歌手獎」有追求，但開心去年為MIRROR成員寫歌有好成績，新一年想創作10歌給其他歌手。

Phil認為人生本來是痛苦，但音樂卻帶給他快樂。

Phil的新EP《Philosophy》探討人生哲學，《解答》就想講人如何在生活中搵到快樂，而在Phil哲學中，人生從來是苦中作樂，「每個人答案同定義唔同，我一日喺間房寫歌做歌係好快樂，有啲人覺得唔係，音樂上令我搵到滿足感，喺音樂上同喺台上嘅喜悅，可以抵銷好多壓力或者捱幾多個通宵。」

Phil新EP《Philosophy》收錄《時間的囚犯 》、《沉思者》《關於愛的碎念》和《解答》。

《關於愛的碎念》和《解答》MV，Phil都搵了倪安慈任女主角。

Phil跑勻港九新界近 30 間 CD 店，為新碟宣傳。

Phil出EP《Philosophy》，獲粉絲到唱片舖掃貨支持。

在年初舉行的《叱咤頒奬禮》Phil奪得「唱作人銅獎」，他直言更恨攞「男歌手獎」，「呢個永遠都係我想去攞嘅獎，呢個係一個肯定，唔單止創作，係整體嘅歌影響到幾多人，觸動幾多人嘅心，仲未攞到我會繼續努力。早兩、三年，我可能會講有獎冇獎唔緊要，錦上添花，但太客氣嘅說話唔真實囉！做音樂唔容易，我哋都需要大家嘅支持，我仲有冇機會做到自己鍾意做嘅嘢上到舞台，全部都有關係，冇獎我會更加努力，但會有少少失望。」

Phil在《叱咤頒奬禮》奪得「唱作人銅獎」。

不過，Phil開心去年能為姜濤、Edan（呂爵安）和葉巧琳寫歌，姜濤的《Dear My Friend,》更得到《叱咤頒奬禮》「我最喜愛的歌曲大獎」，而Edan和新加坡歌手邱鋒澤合唱歌，更有廣東版《一表人才》同國語版《年青有為》。對於MIRROR冒起，他認為是好事，「佢哋做嘅嘢係牽動到樂壇去追音樂，唔單止香港，我寫完歌畀佢哋，好多喺外國嘅人留 Message畀我，去到北美洲、歐洲咁遠嘅人，留意香港嘅歌，咁梗係好事。我同佢哋合作同互動，都令我了解更多年青人諗法。」今年Phil對自己要求更高，「我希望寫到10隻歌畀人，雖然唔係多就係好，但係想推動吓自己。」

Phil為姜濤寫的《Dear My Friend,》得到《叱咤頒奬禮》「我最喜愛的歌曲大獎」。

Phil跟Edan合作很開心，更期待跟更多MIRROR成員合作。

林奕匡還送了《高山低谷》十周年音樂會的門票給這幾位有緣的Busker。

最近密鑼緊鼓地排練音樂會的林奕匡（Phil）日前晚上途經旺角取車，聽到busker演唱自己的《安徒生的錯》技癢，突入busker街頭開Live一同演唱！Phil更即興與Busker jam《有人共鳴》及「DSE神曲」《一雙手》，當中有樂手今年考DSE，又謂：「我小六就聽呢首歌。」Phil苦笑表示：「你想兜個圈話細個就聽我啲歌。」

Phil日前晚上途經旺角時，聽到busker演唱自己的《安徒生的錯》技癢，突入busker街頭開Live一同演唱！

途中，Busker表示：「3年前玩sing con（歌唱比賽）初賽，第一次玩呢首歌，就係《高山低谷》」故希望與Phil現場唱一次《高山低谷》，Phil搞笑指：「3年前啫！」又指歌曲正正推出了十年，Busker即指出：「嗰時我7歲。」，場面惹笑。隨即，樂手更建議彈THE FIRST TAKE Version，Phil不禁大讚：「呢個version多咗個music break，你都識？」

Phil現場獻唱《高山低谷》。

期間，Phil表示：「今日幾開心，冇諗過有咁大嘅收獲，我係有個會計喺登打士街，行過嚟拎車嘅時候就咁啱見到。音樂其實有時就係緣份嘅嘢，例如遇到一隻歌、遇到一個故事、遇到一份詞，生命有唔同嘅機遇就係咁樣嚟。」又鼓勵Busker繼續追夢，做到自己喜歡的事，即使遇到挑戰都會令人成長，讓自己能夠面對更多難題：「做音樂唔容易，尤其是buskers，要一早霸定個位又要練好多歌，所以大家要多多支持。」期間，一度獲圍觀市民一同大合唱，唱畢後，Busker大喊：「我真係好開心呀。」場面熱鬧又溫暖。

圍觀的市民一度一同大合唱。

最後，Phil決定送上音樂會門票邀請Busker到場欣賞這場別具意義的音樂會，見證Phil十年來經歷《高山低谷》的音樂軌跡，藉此激勵街頭表演者憑《一雙手》握成拳頭，總會尋找到屬於自己的地方。

Phil還為Busker送上音樂會門票。

事後，Phil亦上載大合照謂：「記得十年前，我都有喺呢度busk過，亦都希望鼓勵一下追音樂夢嘅朋友💪🏻💪🏻Do what you love，love what you do. 就算觀眾多與少，你都可以一樣咁enjoy，加油！」

林奕匡（Phil）將方下週（4月27-28日）舉行一連兩場「agnès b. Presents: 高山低谷 10週年 Special - Phil Lam The Great Decade Live」音樂會，早前已率先預告歌單包含很多大家耳熟能詳的歌曲，部份歌曲會重新編曲，更密鑼緊鼓練習saxophone為音樂會演出！密切期待！