Anton表示同前任分手後先同Mag一齊。
樂隊ONE PROMISE的鼓手馮卓然（Anton）日前宣佈染疫，其緋聞女友林欣彤（Ｍag）因疑似中招而捲入第三者風波，有指Ｍag介入Anton與拍拖7年圈外女友的戀情，因與Anton同居而被對方傳染。
Mag去年搵Anton拍MV，仲傳出緋聞。
今日（20日）Anton回應傳媒護愛，「首先多謝大家關心，我同Mag係發展中，而且同前任分手後先同Mag一齊，Mag絕對唔係第三者。」又因前度是圈外人，他表示不希望對方因為此事受輿論壓力。另外又透露他與Mag的病情唔輕，仍在康復階段，希望各位給予空間，最緊要大家都身體健康，疫情快啲好轉！
Anton染疫疑傳染埋Mag，因而令女方捲第三者風波。
Mag有新戀情，男友仲護愛稱她不是第三者。
Anton前度雖是圈外人，但似乎唔想將分手一事低調處理！於IG限時動態分享許廷鏗歌曲《殘忍》，憑歌反擊暗示戀情有第三者，又打埋歌詞表心聲：「擠迫的關係之中肯定一個要淘汰，從來從無犯錯，而離場仍是我。」唔知Ｍag又被傳做第三者，今次點回應呢？
舊愛似乎有另一番見解。