容祖兒返內地工作隔離14日 素顏睡衣打波自娛

容祖兒想一展拋球拍技術，可惜甩手鬧出烏龍，更自己加入烏鴉飛過特效。

天后容祖兒（Joey）早前返港與家人過農曆新年假期，近日又要回內地開工拍劇，由於疫情關係，她需跟據內地防疫規定，到酒店進行隔離。14天隔離實在令人悶得要命，為了自娛同時為大家帶來一點點歡笑，Joey在隔離期間總會不停搞搞新意思。前日（19日）Joey上載短片，素顏兼穿睡衣打板球，她則留言：「今日打波！」更稱自己「自得其樂祖」。

隔離都要做吓運動嘅。

一齊睇吓Joey嘅身手！

拍都跌埋……

片中Joey拿着球拍將波向上打，在連打十多球後終於失手，她想一展拋球拍技術，可惜甩手令她尷尬萬分，她更加入烏鴉飛過特效，讓網民看看她的「烏龍樣」。Fans留言：「奧運選手容祖兒」、「儲埋咁多絕技可以參加奧運啦」、「隔離隔到你咁充實真係人生勝利『祖』」，就連林盛斌（Bob）都搞笑留言：「好犀利，天才先至可以做到呢個效果。」Joey都回敬他一句：「衰嘢！」

自己都有啲尷尬。

Bob咁樣笑天后都有嘅，真係衰呀！

容祖兒返內地工作隔離14日 素顏睡衣打波自娛

容祖兒今年首支派台作品《九秒九》今日（4月29日）上架，歌曲由黃偉文與湯令山再度合作。

去年，黃偉文（Wyman）與湯令山（Gareth. T）創作了《緊急聯絡人》，男方將前度名字填在「緊急聯絡人」一欄；今年，故事由祖兒延續，由女方角度呈現出如何徬徨焦躁準備這趟特急行程，可謂是《緊急聯絡人》下集。祖兒透露概念全由Wyman促成，「因為佢係《緊急聯絡人》嘅填詞人，當我俾咗Gareth呢個demo佢嘅時候，佢好快就話俾我聽『不如我哋就寫《緊急聯絡人》嘅下集。』由我作為第一身去講番嗰件事、嗰個感受。」

容祖兒推出今年首支派台作品《九秒九》。

《九秒九》故事由祖兒延續，由女方角度呈現出如何徬徨焦躁準備這趟特急行程，可謂是《緊急聯絡人》下集。

觀看相關影片按連結：https://youtu.be/-faG6EV5G4A?si=eUbytBaC2jMXlyY_

祖兒坦言對於每個階段的樂壇都有自己很欣賞的音樂人，上一個很喜歡的是方大同，近年是Gareth. T，「呢幾年每一次聽湯令山嘅新歌，我都可以無限循環咁樣去聽，無論佢嘅melody同埋演繹，對我嚟講好有feel，所以今次做新碟第一個想合作嘅人就係Gareth，咁就搵佢啦。」

祖兒坦言近年很欣賞的音樂人是Gareth. T。

除了作曲，祖兒亦邀請Gareth. T於MV客串的士司機一角，「佢嘅MV都係佢嘅創作嚟嘅。所以我話：『我今個MV可唔可以邀請你參加呀？你啲MV成日都有你啲朋友，我可唔可以邀請你？』佢話：『ok㗎，我可以㗎。』然之後佢就喺入面飾演一個角色。」

祖兒亦邀請Gareth. T於MV客串的士司機。

今次MV最特別之處是採用一鏡到尾的拍攝手法，面對首次「一shot直落」的祖兒坦言充滿挑戰性，各種的走位細節等，在拍攝前已在祖兒腦海「走」過無限次。另外，又請來著名舞台劇演員、風車草劇團創辦人之一的邵美君導戲，祖兒謂：「有兩個單位我好多謝嘅，第一次合作嘅導演Maggie同埋邵美君老師。好耐之前我已經同邵美君講，『我好想跟你學演戲。』雖然最後冇成事，但今次呢個MV Maggie幫我搵咗美君，我哋一拍即合！喺佢嘅指引底下拍咗呢個MV，個感覺好安全、好有信心，希望大家都會喜歡呢個MV啦。」

今次MV是採用一鏡到尾的拍攝手法。

並請來著名舞台劇演員、風車草劇團創辦人之一的邵美君導戲。

祖兒指在美君的指引底下拍MV，感覺好安全、好有信心。