何雁詩為未出世囝囝戒陋習鄭俊弘想為BB開投資戶口

娛圈事

何雁詩為未出世囝囝戒陋習鄭俊弘想為BB開投資戶口

2022年02月21日 19:43 最後更新：19:55

除了已戒酒之外，她亦計劃戒手機和電視。

鄭俊弘（Fred）及何雁詩日前接受TVB娛樂新聞台節目《StarTalk》主播許文軒訪問，大談將為人父母感受，其中Fred笑言做爸爸一擊即中：「估唔到自己咁勁！我都嚇親自己！啲人話冇咁容易，我啲朋友同家姐都試咗好幾年時間先有。」何雁詩表示懷孕初期反應大：「頭三個月腰痛、周身痛，有時仲會無啦啦喊，自己好似拍MV咁望住個窗喊，情緒起伏大，Fred睇好多書，嘗試去了解我經歷啲乜，慢慢冷靜聽我講，依家呢個階段比較舒服，淨係覺得自己好肥！」身旁的Fred立即示意：「完全唔肥！一啲都唔肥！」

二人又直言為BB有所改變，何雁詩說：「我本身鍾意Social同飲返幾杯，但係為咗BB我決定戒酒，一個飲酒一個食煙完全唔可以，煙就一早戒咗，而當我一知道有BB就已經戒酒。我仲想戒睇電視同玩手機，我同Fred太鍾意留喺屋企睇電視，有時可以睇全日，好擔心小朋友出咗世冇電視冇電話就唔食飯，所以我哋要以身作則。」而Fred希望為兒子開設投資戶口，為他儲錢以便將來用，果然未雨綢繆。

往下看更多文章

許紹雄女生日開派對圈中富貴女星現身

2024年05月11日 19:00 最後更新：21:52

原來Charmaine同佢係好友。

75歲許紹雄（Benz雄）向來是圈中公認的好爸爸，當年太太以49歲高齡誕下女兒許惠菁（Charmaine），因此視愛女為掌上明珠。Charmaine上年尾嫁金融才俊男友Shane，出嫁時許紹雄笑到見牙唔見眼，又用7位數字打本俾囡囡開cafe。Charmaine日前生日邀請好友到家中開派對，相中竟然見到圈中富貴女星。

近年在新加坡定居的許紹雄，特地與太太回港為女兒慶祝生日，Charmaine在IG貼出數張相片，並以英文寫道：「想發超過10張照片，感恩，愛你們！（wanted to post more than 10 photos. blessed, love you guys）」。相片中見到兩對圈中夫婦，包括契媽韓馬利與老公杜燕歌以及鄭俊弘和何雁詩。不少網民對何雁詩的出現都感到驚訝，原來二人私底下是好朋友。另一張相片中，見Charmaine同何雁詩攬頭攬頸，感情看似非常深厚。