恨有代表作打入樂迷心 鍾雨璇改名重新出發

早前出席新城勁爆頒獎禮暈倒的鍾雨璇（前名蘇慧恩、Ophelia），現在身體已回復健康，看似好黑仔，但她認為自從改名後，反而有不少好機遇，由為美容院唱主題曲，繼而成為代言人兼簽約新公司，可以不用再自資出歌，有公司支持製作，未來她最希望能夠有首代表作，能夠打入樂迷心，留下深刻印象。

Ophelia認為改名後，事業確實比以前更順利。

Ophelia未來會繼續主力做電子音樂，跟不同DJ或者Rapper合作。

Ophelia在新城勁爆頒獎禮影大合照時，一度暈倒要被抬落台。

本名蘇慧恩的Ophelia，去年底決定改名鍾雨璇，因有感入行幾年發展仍不如理想，「有個宣傳人員同我講，蘇慧恩用咗好耐冇乜起色，不如改個新名重新出發啦！我搵咗幫屋企睇開風水嘅師傅改，中間有個雨字，因為我需要水，同埋我又需要金，師傅話不如改跟媽咪姓，鍾係金字邊。」不過原來早在入行前有想過不用本名，所以都覺得後悔改得太遲，至於連姓都改，似乎不太尊重家人，她就解釋：「我問准晒爹哋媽咪，我跟媽咪姓，爹哋都覺得冇所謂，最緊要我開心，其實一直以嚟最開心就係有屋企支持自己。」

Ophelia的愛貓白雪雪，亦有份拍攝MV。

遺憾冇參加《造星III》

Ophelia覺得發展不似預期，包括前年錯失參加《全民造星III》機會，令她相當遺憾，「有啲後悔，應該係遺憾，嗰年畀已出道玩嘅《全民造星》我冇去到，當時有個大學同學推薦我入去玩，都好大機會入到圍，但係我自己冇好好把握機會，我諗得太多冇去到面試，我好遺憾，有時諗返都會喊。」原來當時她剛推山新歌《潛伏與蒙蔽》，想先做好宣傳因而錯過機會。

Ophelia原來對於未有參加《造星III》，一直耿耿於懷。

改名後的Ophelia，已即時有新機會，因獲演繹美容院主題曲《蛻變》機會，不但成為代言人，更得到公司簽約支持做音樂，「我過五關斬六將Casting中咗，感覺好似返番細個玩《超級巨聲》咁，中咗之後，佢仲搵咗我做美容院代言同埋嚟緊寵物保健食品嘅代言，最開心係公司話反正都會贊助一啲演唱會同做活動，不如成立間公司幫我出歌。」簽約新公司的Ophelia，最期望有首代表作，「期望真係有首歌係有人識，唱嚟唱去都係唱畀屋企人或者朋友、fans聽，好希望有首歌好多人聽到都會知道係鍾雨璇唱，想入屋啲有首代表作，心裏面紅歌唔紅人都唔緊要，歌手有首歌真係好多人識，都會好開心。」

新歌《蛻變》Ophelia覺得曲風有點似詩歌，好有正能量。

MV中，Ophelia以多個造型亮相，包括運動Look。

《蛻變》MV，由Ophelia跟小女孩及巨型貓公仔合演。

獨立歌手時，Ophelia與Heartgrey曾合作歌曲《Save a Life》。

何雁詩、鄭俊弘夫妻及鍾雨璇一同出席活動，何雁詩透露最近加盟新公司，並推出親自作曲的新歌《The Right Kind》。

鄭俊弘（Fred）、何雁詩（Stephanie）近日夫妻檔出席香港美容及保健品品牌ASANA 360的周年活動，鍾雨璇（Ophelia）亦一同現身。而是次活動中有「慈善麻雀王大賽」環節，受惠機構是香港認知障礙症協會。活動提倡以麻雀活動，藉著手腦並用幫助認知障礙症患者。

何雁詩、鄭俊弘夫妻及鍾雨璇一同出席活動。

三人均表示活動具意義，並感榮幸能參與其中，幫助有需要人士。Fred及Stephanie笑言：「其實我哋喺疫情期間先學識打麻雀，日後希望可以一同參加。」Ophelia則表示自己有陪祖母打「衛生麻雀」，主要都係想老人家開心。

兩公婆出席活動都要耍花槍。

何雁詩最近加盟新公司並推出新歌《The Right Kind》，亦是她親自作曲，並首次參與監製的作品。歌曲訴說在音樂上的發展最重要的是找到一班相處舒服的團隊「Right Kind」。而鄭俊弘亦推出新歌《左搖右擺》，是一首英式曲風的歌曲，他笑言：「我嘅缺點其實正係喜歡左搖右擺，有時會容易被別人的意見所動搖，呢首歌正正係用來警示自己。」

何雁詩最近加盟新公司並推出親自作曲的新歌《The Right Kind》。

而鍾雨璇近日正籌備新歌《三千天日記》，並預告即將面世。而MV於黑色暴雨拍攝，令她非常難忘：「當天拍完後凌晨在車上堵塞了兩個鐘頭，車程上看見很多壞車，好彩最終平安返到屋企。」而不幸的是，Ophelia最近遺失了錢包，信用卡還被盜用簽帳，損失達6位數字，現已交由警方處理，現正等候回覆是否需償還被盜用的欠款。

鍾雨璇自爆近日遺失錢包，信用卡還被盜簽，損失達6位數字。

而初為人父母的何雁詩及鄭俊弘年幼兒子Asher愈大愈「精靈」，被問及育兒趣事，二人認為每一刻也值得記念：「其實喺父母眼中，望到個小朋友做乜嘢都好開心，而最近開始幫Asher報讀學校及準備面試，嚟緊仲會帶佢去影學生相，相信都會幾有趣。」

兩公婆認為囝囝每一刻都值得記念。

一歲多的Asher愈大愈精靈。