本港第五波疫情持續擴大，而娛樂圈感染新冠肺炎的人數也持續擴大，今日（1/3）胡定欣也宣布中招，不過早前確診的組合C AllStar成員陳健安（On仔），今日就在個人IG上發文展示病毒快速測試圖片，結果呈陰性，並開心同大家分享，終於大致上好返！
網上圖片
On仔早前有份拍MIRROR成員江𤒹生（Anson Kong）及王智德（Alton）的MV，結果不幸中招感染Omicron，多日來他都留在家隔離及休息，又遙距看中醫及以食生蒜片來殺菌，希望早日康復。過去多日他都會不時在IG分享自己的最新狀況，以免fans擔心。今日On仔就貼出了一張快速測試圖片，「大致上好返，只有少少痰，做返三日運動，感覺開始回歸正常，總結一下漫長又深刻嘅經歷。」，並撰文寫下長文分享過去15日的經歷。
網上圖片
On仔寫到：「Day 15 大致上好返，只有少少痰，做返三日運動，感覺開始回歸正常，總結一下漫長又深刻嘅經歷。當知道自己確診嗰一刻，係會驚一驚，心諗連我有護理資格嘅都會驚，平民百姓一定更驚。靜落嚟，問自己驚啲乜，除咗病情之外，最驚原來係怕無人陪阿媽覆診，畢竟自己係負責阿媽嘅健康，又靜一靜，好在有家人嘅幫手，好好放手交俾家人幫忙。
物資又點樣搞呢？
好在又係有家人幫手，同埋靠速遞app真係方便好多好多。
至於病情，啲症狀好似上菜咁，逐樣上，最令我辛苦嘅係頭痛到瞓唔到，喉嚨發炎到好似成個咽喉都生滿飛滋咁，多得中醫師教路，令我可以積極洗鼻漱口含蒜片自療。
心理方面，多謝朋友關心嘅說話同電話，非常重要。仲有確診群組嘅互相陪伴，屋企人嘅視像、鄰居嘅關心、族人嘅支持(特別多謝你哋畫嘅生命之花)，多謝晒你哋。
網上圖片
咁多日嘅分享都係醫師診症後對我建議嘅方法，大部分只適合我，記得去診症，網上資料最多俾到大概嘅方向你，唔係專屬，包括我嘅日誌，如果只靠網上資料就好返，世界就唔需要醫生。
除咗西醫中醫仲好多唔同療法，每一種都一定有佢好壞，最終選擇相信哪一種方法係一個好大嘅課題，要靠自己睇資料、朋友經驗、實際嘗試、紀錄、研究。
謹記健康係好個人嘅事，雖然我哋都係人，大部份嘅嘢都相同，但體質個個都唔同，趁住世紀疫症同世界大亂嘅「刺激」，好好感受身體嘅反應，睇清楚自己嘅底蘊，究竟我哋恐懼緊啲乜，搵到源頭，面對，見招拆招。
唔好妄想有神藥即啪即好，俾啲時間同耐性身體，所有病最終都係靠身體自我療癒，唔好急住返工，謹記未來無人會為你身體負責任。
雖然我叫做好返，但知道有唔少人剛剛確診，各自經歷緊唔同階段，希望我嘅omicron日誌令大家可以作少少參考，確診路上可以安心啲啲，有個陪伴。
最後一定要相信越過痛苦之後會變得更強。
願我們都有一顆柔軟有彈性嘅心，迎接更多未知，繼續生活。」
網上圖片
一連四場《Live afteR Life 陳健安2024演唱會》非常熱鬧。
唱作人陳健安（安仔）一連四場《Live afteR Life 陳健安2024演唱會》，前晚（3日）在旺角麥花臣場館圓滿結束，安仔媽咪坐正第一行睇足全場，又喊又笑，還跟觀眾一同站起來揮手跳舞，十分投入。安仔開騷C AllStar好兄弟梁釗峰、樂隊Nowhere Boys的Van、女團Me&的Vian、同門師弟蔡浩然（Scott）和洪端珙（阿珙）、好友麻利、鍾雪瑩、造星V囝囝Tsoul、希晉、Hei、貓仔和樂庭，以及女團LollyTalk等捧場，非常熱鬧。
唱作人陳健安（安仔）一連四場《Live afteR Life 陳健安2024演唱會》
女團Me&的Vian
鍾雪、麻利
造星成員樂庭、貓仔、Hei、希晉、Tsoul
女團LollyTalk
完場觀眾不散場大叫encore，安仔再度上台，他向觀眾席拋出紀念品冷帽，被台下LollyTalk成員阿蛋接到，她興奮立即戴上。觀眾大叫「除衫」，安仔扮聽不到，連唱三首歌，包括慢版《唔明你講乜》、《煉獄健身室》和鋼琴版《仍然是那個少年》，然後突然除去身上演唱會Tee恤拋去台側觀眾席，全場尖叫起哄。最後他說： 「我好開心、我好滿足，我嘅第一個演唱會有你哋一齊見證，期待大家嘅千字文，我會好好品嘗，希望大家好好回味呢個演唱會，多謝大家！」然後衷心鞠躬致謝，全場掌聲歡呼，演唱會完美落幕。
大合照
完騷後安仔返到後台，說：「真係好開心，好感動，好難得完成四場演唱會，第一次一個人唱晒4場，之前真係有啲擔心，今日我好滿足！媽媽嚟咗睇兩場，開場第二首歌《愛的一種練習》，每次唱都會搵吓媽媽。之前我開新碟發布會專登唔唱呢首歌，留返有full band咁唱畀佢聽。第一場完騷後，佢同我講佢喊，我話我喺台上睇到。」安仔演唱會和音「雷同二友」成員兼表演嘉賓謝芊彤對安仔說：「我見到你媽媽眼神，非常支持你，令我哋好感動。」另一位表演嘉賓，女歌手廖穎琛（iii）大讚台下安媽悉心打扮，安仔爆料：「媽媽今日專登化粧Set頭，佢平時無化妝架，每次佢去捧我場，例如之前頒獎禮，佢就會化妝扮靚，隆重其事，代表佢好支持我。」
和音「雷同二友」成員
芊彤笑言投訴在台上被安仔整喊，說：「我哋每晚都畀你搞喊，其實綵排已經喊，當時我心諗希望你唔好再唱。」另一位和音成員，「雷同二友」的謝芊蕾自爆，演唱會由第一首歌就開始想喊，一直忍住，她說：「其實安仔一講嘢，就連開場前後台嗌Good Show我就已經喊啦！」安仔說：「第一場叫Good Show時我講咗一句：你哋好重要！佢哋就叫我『唔好講呢啲嘢啦』，我即刻轉語氣。」芊彤說：「因為我哋真係感受到你覺得我哋真係好重要，好真心，所以感動。」安仔坦言台上盡量避免眼神接觸，以防眼淚決堤。而iii與安仔回味台上合唱《雷公》的火花，她說：「感覺好正，一方面吵架，一方面好有愛。」
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會現場相片
演唱會圓滿成功，安仔最想食火鍋和飲凍檸茶，他說：「我為咗演唱會食清淡啲，不經不覺戒口個多月，主要食粥，整個月無飲凍飲，依家好想飲凍檸茶、食肥牛、炸响鈴，仲要有咸蛋黃嗰款，唔邪惡唔食。」
