新界東補選變成泛民自己打大交，暴動之後公民黨候選人楊岳橋雖然急忙補鑊，去義助涉嫌暴動者打官司，想搶的年青人票，但係涉嫌參加暴動的另一個候選人梁天琦就氣勢如虹，支持度直逼楊岳橋。
咁搞下去，公民黨啲領導都有啲急啦，首先梁家傑又話收到風，若民建聯周浩鼎當選，政府就會修改立法會議事規則。旁觀者聽完就問，講到世界末日咁，乜立法會唔係會拉布咩，係唔係話改就改到架？
公民黨繼續發功，到主席余若薇出手啦。早前《100毛》 老細林日曦話自己支持梁天琦，叫人投票俾梁， 昨日再批評公民黨候選人楊岳橋的支持者陣營，「 像黑幫一樣嘗試把票恐嚇過來」。
余若薇就頂唔順回應，指在新東補選中，選民應看重候選人的特質， 而「不是什麼含淚投票，不是只為大局，更不存甚麼恐嚇。」 她力挺楊岳橋「有魄力、有口才、有學識、有承擔、 多年為新東市民服務」而其他新東補選候選人如梁天琦、 黃成智和周浩鼎，「都唔係楊岳橋個（嗰）班」。
余若薇呢個「班數論」，自然成為網民熱話，大力批評她睇高大狀， 睇唔起其他人，問梁天琦作為「香港大學哲學系學生」， 點解班數低過公民黨成員？
政壇中人話，余大狀又講錯嘢啦，佢太「藍血」， 開口埋口講人地唔係自己嗰班，在網絡世界，真係俾人叫「 你識條鐵」。余大狀咁講本來想針對年青人選民，但客觀效果只係幫梁天琦拉票。梁天琦馬上P張圖上書「我低班」，即刻可以搶多幾千票。
新界東補選其他參選人包括:方國珊、梁思豪、劉志成。
Ariel
** 博客文章文責自負,不代表本公司立場 **
