拍片教Brother簡稱「寫法」 馬米高笑余文樂唔知跟邊個鄉下用法

馬米高話唔知邊個鄉下寫「Bra」代表「Brother」，佢寫就一定用「Bro」。

余文樂日前於IG限時動態將「Bro」打成「Bra」，成為網民嘲笑對象。由於他已不是首次於IG串錯字，因此此Po一出再成為網民熱話。平時拍片教開英文嘅YouTuber馬米高都收到網民Cap圖笑埋一份。

余文樂日前於IG將「Bro」打成「Bra」，被質疑串錯字。

不過，余文樂昨日（7日）都在IG限時動態分享英文字典中，「Bra」嘅用法，隔空教大家英文！指「Brah」這個字的意思是指好哥們之間的稱呼，而這個字亦可簡寫為「Bra」，例如「Hey, brah！」亦可解作「喂，兄弟！」

余文樂今日出Po為自己平反，兼教大家英文。

而馬米高睇見都拍片教返余文樂轉頭，希望他學識「Bra」喺口講同寫嘅分別，「『Brah』通常係講出嚟嘅啫，即係將『Brother』Cut開一半，但如果寫Brother嘅時候，會唔會寫成『Bra』呢？嗱！英文呢家嘢好多鄉下都用緊，我就唔知邊個鄉下寫『Bra』代表『Brother』，我寫就一定用『Bro』。」又稱都係打3個字母，唔想畀人有機會誤會他說「胸圍」:「講到最尾都係想懶型咋嘛！Am I right bra?」成條片都以「阿Bra」來稱呼余文樂，睇嚟繼「Fisherman Lok」後，樂仔又多個花名嘞！

平時教開英文嘅YouTuber馬米高日前都有出Po笑樂仔。

仲拍埋片添！

保持運動成個人後生晒。

42歲的余文樂於2017年與女星王棠云結婚，婚後育有一對子女，並移居台灣生活，經常放閃的兩人，直至去年尾余文樂突然清空IG，遭質疑是否婚姻亮起紅燈。近年亦都多次被影到憔悴的模樣，甚至被網民形容為斷崖式衰老，早前有網民在二世古偶遇余文樂，外貌遭吐槽就似足60歲長者。而余文樂亦都有保持運動，希望可以回春，近日余文樂跟朋友打網球，再被網民集郵，今次成個人都健康精神晒。

被指互動變少，一度遭傳婚變

婚後育有1子1女

早前久違分享家庭出遊照

二世古被網民捕獲，明顯狀態不佳！

近日余文樂被網民偶遇打網球，並被曬出合照，相片中的他狀態返曬嚟，身材健碩，且表現親民搭著粉絲的膊頭露出真摯的笑容！

合照曝光

保持運動！