獲As One舊隊友賀牛一 蘇皓兒帶埋愛貓出席識女仔

蘇皓兒（Chloe）本月6日度過28歲生日，獲昔日女團組合「As One」隊友陳葦璇及懷孕中嘅陳苑澄同佢慶祝，由於呢期《Candy Ball》翻紅，《全民造星IV》同《肥美人》都有人唱，識睇緊係睇原裝啦！

睇相已經好似有音樂飄出嚟。

皮皮好靚仔。

三個嘅髮型都好似。

三人齊集葦璇屋企，壽星女仲帶埋愛貓皮皮到達，「皮皮都大個啦，間唔中要帶佢出去識女仔。」之但係屋主本身養有三隻貓，雖知道貓嘅地盤意識好強，睇片見到皮皮四圍哄，又聞貓，嚇到其中兩隻貓都唔敢行近，陳葦璇笑言「全家進入驚恐狀態」，冇發生血案算好彩。

Chloe及葦璇抱住嘅都係後者嘅愛貓。

從大合照可見，三人髮型有九成相似，其中有張相見到陳葦璇抱住皮皮，但貓貓極度掙扎，搞到葦璇都留言畀Chloe，「你個仔皮皮真係好崩壞，希望你今年可以教好佢。」貓奴網友應該睇得好開心。

仲有一隻伏喺高空位置。

Chloe愛貓係咁哄葦璇貓貓，睇吓右邊嗰隻。

《同居少女諸事卜》性格不同的三個「Z世代」女生一邊尋找愛情真諦，一邊探索自我和人生的多樣性，尋找作為女性真正的需求。

電訊盈科旗下泛區域串流視像平台Viu宣布再度攜手「本地製作」，開拍Viu Original本地原創劇《同居少女諸事卜》，並於今日（5月4日）舉行開鏡記者會，監製伍健雄率領劇集主角雲浩影（Cloud）、吳家忻（Kayan9896）、蘇皓兒（Chloe）、郭嘉駿（193）和何啟華（阿Dee）出席切燒豬儀式，預祝收視長紅！

《同居少女諸事卜》舉行開鏡記者會。

右起：雲浩影、吳家忻、蘇皓兒、郭嘉駿、何啟華和鄧月平

《同居少女諸事卜》以時下流行的占卜為題材，講述三位生於1997年至2009年間的「Z世代」女生Iris（Kayan9896飾）、Tracy（蘇皓兒飾）和Sammy（雲浩影飾）於同一屋簷下的生活點滴。性格不同的三個女生一邊尋找愛情真諦，一邊探索自我和人生的多樣性，尋找作為女性真正的需求。

《同居少女諸事卜》三位主角雲浩影（右起）、吳家忻、蘇皓兒。

繼《#她和她的戀愛小動作》後，Kayan9896再度參演Viu Original原創劇，她興奮表示：「今次套劇多咗兩個室友，三個女仔圍埋占卜傾心事，成件事好似返到學生時代。」談到劇中飾演神婆，Kayan9896自言自己不算迷信，並指「戀愛係兩個人嘅事，有問題應該大家拎出嚟傾，唔使求神問卜嘅！不過現階段我就冇乜呢個煩惱。」

Kayan9896

至於「籃球女神」Chloe則坦言接拍《同居少女諸事卜》是自肥計劃：「Tracy呢個角色唔只係籃球員，仲要係前港隊成員。我本身好鍾意打波，入行之後一直希望有機會拍一啲同籃球相關嘅題材，所以今次一收到劇本已經十分期待。」

蘇皓兒

《同居少女諸事卜》圍繞三個女生和五段關係的故事。劇中Cloud周旋在「初戀情人」193和「穩交男友」阿Dee之間，堪稱全劇「艷遇擔當」！問到Cloud如何二揀一，她笑謂無福消受：「嘩，兩個都好好，點輪到我揀？不過佢哋好搞笑，所以對戲時我要一直忍笑，真係好有難度。」她亦笑言兩位男士使出渾身解數討她歡心，讓她受寵若驚，站在一旁的193和阿Dee則揚言為了女神可以隨時大打出手，逗得伊人合不攏嘴。

Cloud（中）在新劇會周旋在193和阿Dee之間。

《同居少女諸事卜》故事簡介：

窮苦籃球運動員Tracy（蘇皓兒飾）搬到表姐Iris（Kayan9896飾）的出租屋準備展開新生活，豈料Iris的前室友Sammy（雲浩影飾）卻突然反口要搬回來，兩房一廳的單位頓時不夠住！夾在中間的神婆Iris唯有以占卜擺平矛盾，順道揭開三個女生大相逕庭的愛情觀！一間屋，三位少女，五段關係，道出當下千禧世代女生的戀事。

蘇皓兒、吳家忻、雲浩影