「何啟華」無處不在成功騎劫Chill Club頒獎禮 姜濤Ian燈牌輸晒

「何啟華」先係全晚嘅大嬴家！

ERROR成員阿Dee（何啟華）噚晚（24日）喺《Chill Club 推介榜年度推介21/22》好風騷，唔係因為佢贏咗好多個獎，而係佢班羊群/雯雯（阿Dee粉絲暱稱）做到嘢，幫偶像整咗個超巨型燈牌，幾乎每位歌手單位上台領獎或演出，電視畫面都見到「何啟華」呢三個字好耀眼咁發晒光，令同一行嘅「姜姜」、「陳卓賢」燈牌都被比下去！有網民留言：「頒獎禮被何啟華騎劫」、「無論今晚咩人得獎，咩人表演都好，我永遠唔會忘記一哥何啟華」、「無處不在何啟華」。

許廷鏗獻唱都見到遠處嘅「何啟華」。

無處不在「何啟華」今趟仲勁過姜姜。

又係「何啟華」。

都係「何啟華」呀！

何啟華真係ViuTV世一。

阿Dee都覺得好威威，喺頒獎禮結束後即在IG限時動態轉發Fans Club嘅截圖，留言：「我已平安回家中，今日MVP @deegorfanspage令大家懷疑人生，邊個『何啟華』？」阿Dee今日仲未自High完，再分享朋友Send嚟嘅截圓，上面寫住「噚晚見到何啟華個名至少748秒」，超級爆笑。

阿Dee喺場內見到個巨型燈牌都好開心。

阿Dee讚粉絲係MVP，但「何啟華」睇到令人懷疑人生。

「尋晚見到何啟華個名至少748秒」應該係，除非唔係。

Dee哥遭現場一眾女士冷落！

ERROR成員何啟華（Dee哥）與近月在網上爆紅、被封為「真人版王子」的19歲主題樂園員工Santi，一同為食肆拍攝宣傳片。Dee哥雖然擁有不少粉絲，卻不敵Santi的魅力，慘被現場一眾女士冷落。

何啟華（Dee哥）與近月在網上爆紅、被封為「真人版王子」的19歲主題樂園員工Santi一同拍廣告。

Dee哥透露隊友梁業（肥仔）是「食神隊長」。

Santi首次於鏡頭前演戲。

Dee哥透露隊友梁業（肥仔）是「食神隊長」︰「平時ERROR飯局一定由肥仔話事，因為他是食神，對美食相當執著。若我們挑選了一間他覺得不好吃的餐廳，肥仔會立即拍拍屁股離開。」談到首次合作的Santi，Dee哥有讚無彈︰「想不到Santi只得19歲﹗他的領悟力很高，而且有鏡頭觸覺，性格相當有趣，熱衷分享，真的年輕有為，前途無可限量。」

Santi真係好靚仔！

Dee哥遭兜巴星嗌爽。

首次於鏡頭前演戲的Santi對拍攝過程十分好奇，他說︰「多謝Dee哥的照顧及提點，他是一位很好的前輩，而且相當搞笑。雖然我們的語言不算相通，但單是身體語言與眼神已令我笑不停。」談到被封為「真人版王子」及被指酷似男團P1X3L成員歐鎮灝（George），Santi說︰「多謝大家抬舉，其實我只是長得順眼而已，王子則太浮誇了。大家說我長得像George，我便去找尋他的社交平台，發現他比我好看多了，而且能歌善舞，所以我也會努力自我增值，先學好中文，學好廣東話與普通話，希望增強語文能力跟大家溝通。」

Dee哥不敵Santi的魅力，慘被現場一眾女士冷落。

畀Santi搶晒Fo！