張致恒老婆發文勉勵自己：不要哭不要生氣

話撐埋少少時間就會變好！

張致恒（Steven）與老婆區燕雯（雯雯）早幾個月一時話離婚，一時又復合兼話有埋第3胎，睇到網民一頭霧水。而雯雯都話小朋友是天賜的禮物，對於網民質疑他們窮又生咁多小朋友，雯雯都曾於IG反擊話窮有窮養。而上月中Steven就上載為大仔慶祝3歲生日的照片，雯雯都分享老公與兩個仔玩耍的影片，看來十分溫馨。

早前太太宣佈將迎接第3個小朋友。

早前一家為大仔慶祝3歲生日。

但雯雯近日似乎又有啲情緒，未知懷胎中的雯雯是否被老公激親，又或者再次面對經濟或住屋問題。今日於IG限時動態上載愛犬的照片，但就表示：「不要哭，不要生氣，撐埋少少時間就會變好！」似乎是勉勵自己。

雯雯似乎有啲唔開心。

同囝囝玩得開心。

未知是否家中又有新狀況。

其實雯雯不時都會喺IG限時動態，分享近況或抒發情緒。3月時就曾哭訴被業主逼遷，「完全令我崩潰成晚瞓唔到覺！」表示情況令正懷孕的她十分徬徨無助。上月Steven分享大仔生日照時，背景仍然是之前的住所，網民都以為他們一家被逼遷一事，已經圓滿解決，但未知張氏一家近日是否又有新狀況。

雯雯3月時自爆被逼遷。

仲陀緊B，好徬徨無助。

張致恒老婆於IG勉勵自己 稱撐埋少少時間就會變好

雯雯還表示不介意苦主向《東張西望》公開一切。

39歲的張致恒（Steven）與區燕雯（雯雯）婚後一直是話題人物，又「熱愛」在社交平台公開家事，不時鬧離婚，又經常呻財困，因而被網民封為「離婚財困界KOL」。雯雯在母親節當天除了再在IG Story鬧爆老公「廢」，還透露即將要行「最後一步」，才可重新生活，想不到一波未平一波又起，一名患癌網民近日就在她的社交平台公開追數。

Steven與雯雯於2019年奉子成婚。

一家六口。

雯雯於本月初公開過去一周家中發生連環不幸事件。

母親節當天又發文數臭老公張致恒。

透露要「行到最後一步」。

又指「其實都係一個行業」。

該名網民在雯雯的社交平台留言：「雯雯，我係Cat，你想點呀？畀咗幾個月時間你，爭我嗰萬六蚊一蚊都收唔到，包多春魚都收唔到，之前免費送咁多嘢畀你哋，你哋咁對我？！你好快啲還錢，最多畀你分兩期，分兩個月每次還$8000，所有Payme過數記錄同埋Whatsapp對話我都有keep，唔好逼我公開晒。我真係諗住搵《東張西望》，標題係：寧願呃癌症病人錢，都唔願意出去打工嘅前偶像夫妻。唔好逼我！」並表示預料會被對方刪留言兼封鎖。

苦主留言

不過，雯雯沒有刪除留言，更親自回覆：「首先，我好多謝你當初主動出現幫我哋。我從來冇諗過呃你，只係我而家未有鬆動可以還到畀你，就算其他人我同樣都係未還，當初你主動企出嚟幫我哋嘅時候，我都有同你溝通我冇咁快有能力可以還到錢，你亦話你明白。至於你兩包多春魚，我冇咗你地址，你block咗我，我根本聯絡唔到你。」更耍無賴的表示：「就算你公開一切，我都尊重你，當中亦可以證明到我有講清楚我冇咁（快）還到畀你，所以不存在呃你錢。最後希望你unblock我，畀返你地址我寄畀你。亦祝你健健康康。」

雯雯回覆。

事件引起網民熱議，不少人都譅為兩公婆「個低咁花」都仍有人會借錢給他們是自作自受，「真係會有人俾錢呢對老千夫婦」、「全香港都知呢兩公婆有借冇還，仲要懶好心借俾佢哋『渡過難關』，收唔返根本基本操作」、「個時都知佢2公婆搞唔掂借錢唔還啲X嘢出晒名，咁都可以比錢佢做生意，有今日都係自己做成」、「兩個個朵臭晒，仲幫佢哋真係冇得救，人哋周圍借錢開心使錢，結果仲有人施捨」、「大種乞兒呃錢仲呃埋人哋同情心，勸各位有心香港人，唔好再理呢2公婆啦」。

不少網民都認為被兩公婆呃錢是自作自受。