MIRROR官方歌迷會正式成立 1年會籍為440元

MIRROR官方歌迷會正式接受登記啦！

上月MIRROR出席所屬公司MakerVille記者會，公佈成軍3年，終於有官方歌迷會！今日MIRROR官方社交平台分享入會詳情，同時公佈歌迷會官方網站開張，官方仲改咗個名「MIRO」畀入會的鏡粉。

MIRROR上月宣佈將成立官方歌迷會。

唔知有幾多門票擺歌迷會賣呢？

MIRO係咪即係鏡粉英文名呢？

一年會籍價值港幣400元，一入會就有迎新禮盒，內裡包括：會員證、專屬會徽襟章、精美立體拼圖擺設、一套12張珍藏版明信片及紀念海報。另外7大着數位就包括：訂購MIRROR演唱會門票的機會、訂購MIRROR粉絲見面會門票的機會、網上訂購會員專屬商品的機會、網上訂購MIRROR商品的機會、MIRO會員專屬資源、訂閱MIRO會員電郵推廣訊息、訂閱MIRROR Official Fan Club電郵推廣訊息。不過都有啲細字仔戴定頭盔話「視乎供應而定」，即係商品同買門票的數量要睇情況而定，而日後部份MIRROR Fans的活動亦將設年齡限制。

MIRROR facebook公佈詳情。

440蚊年費，鏡粉都話抵。

迎新禮品有呢啲。

仲有Fans Meeting。

至於，「揸弗人」魯庭暉亦有於社交網撰長文寫下籌備過程的感受，並表示會一路改進，請大家見諒，他寫道：「呢單嘢，係要戴定個頭盔先嘅。Mirror official fan club, 同事研究咗好耐好耐。真係好耐。背後嘅所有嘢，太多太多細節，太多太多嘢我哋左諗右諗，太多嘢要平衡，『如果咁咁咁就好』」…好喇，但如果咁咁咁，又會導致另外一啲問題出現。」

MakerVille行政總裁魯庭暉

他續指：「因為呢個project同搞其他project好唔同，因為係粉絲，因為佢哋係mirror 嘅一部分。呢件事，有血有肉。我幾乎肯定，一路做一路會發現有好多超唔完美嘅地方。每個部門同事都好擔心。我睇見都戥佢哋辛苦。今日終於launch。我哋會盡力一步一步改善進步，所以頭盔位，做得未夠好多多見諒。」最後他更大讚welcome pack造得好靚，不少鏡粉見狀即秒速付款入會，亦有網民誤以為加入MIRO便可獲得演唱會門票。

魯庭暉都有出Po分享。

MIRROR終於有官方歌迷會！

「教主」美髮流動車出動！

美髮品牌ghd邀得MIRROR成員「教主」盧瀚霆（Anson Lo）演繹全新造型，繼早前發放教主的驚喜造型照和幕後花絮片後，品牌今次派出教主美髮流動車為大眾提供10分鐘免費春夏美髮造型服務，亦歡迎各位神徒前往打卡拍照。

教主美髮流動車

Anson Lo演繹全新造型

神徒獲得不少福利

品牌早前發放教主幕後花絮片

ghd以全新鮮明撞色Colour Crush命定色彩系列喚起今個春夏，三款最熱賣的美髮工具換上限量螢光青檸色與新星藍色的活力色調，打造髮型的同時為生活添上色彩。為配合Colour Crush 命定色彩系列的推出，ghd起出動教主美髮流動車分別在港島及九龍區6個地點以全新限量版新品提供造型服務，讓大家感受夏日色彩的活力氣息。ghd教主美髮流動車內將會展示出 Colour Crush 命定色彩系列，產品包括有Chronos高清亮澤造型夾、Duet雙效熱風造型夾及Helios專業風筒，ghd 亞洲培訓經理John 及ghd專業造型團隊將於車內提供10 分鐘免費春夏美髮造型服務，讓大家即時體驗產品。美髮流動車的車身更會換上教主的最新造型照，神徒可前往打卡拍照。

ghd Colour Crush 命定色彩系列已在 ghd 專門店 / 專櫃、 連卡佛專櫃、指定零售商及高級髮廊發售。

無需預先登記便可享用造型服務，完成造型服務後，只需在 Instagram 上發帖文及標注 @ghdhairhk，即可獲得Good Hair Day 髮夾一枚（每日限量40名額），其次在 Instagram 上關注 @ghdhairhk 及回答問題，更可免費獲取額外小禮物一份。