邊工作邊跟神徒玩Q&A Anson Lo親解點解鍾情白飯

MIRROR「教主」盧瀚霆（Anson Lo）雖然工作忙碌，但亦經常於社交網與一眾「神徒」（粉絲暱稱）互動，已有約一年沒跟神徒玩Q&A的他，昨晚（12日）便在其YouTube頻道上載了一條接近16分鐘的影片「帶你去工作」，除曝光一整天的行程，更邊工作邊跟神徒玩Q&A。

花姐即場追AL要家用。

跟花姐互動好搞笑，十足兩母子。

AL坐在經理人黃慧君（花姐）的座駕前往工作目的地，花姐即問AL幾時給家用，AL則笑言：「我覺得傳統畀家用方式太冇趣，我反而希望親手煮飯畀花姐。」惟花姐指一世都不接受，笑謂：「我嘅人生就係冇趣，唔介意。」而向來有腰患的AL，被問到腰傷怎樣？AL向大家報平安表示其實現在的腰傷已經不是那麽嚴重，但因為天氣關係最近又發作。

教母為AL親自準備飯盒，食得健康。

吓，咁身形叫增肥成功？

在疫情下如何保護自己？AL坦言：「前一排自己都有抗疫疲勞，因為太小心謹慎，之前拍廣告時，無論攞住任何嘢都要消毒，無論飯盒、飯蓋同膠袋都要噴嘢，我摸過一下呢個椅柄都要噴，真係好誇張，最近就冇咁過分。」接著到放飯時間，AL拿出「教母」為他準備的愛心飯盒，當中有四隻雞蛋及價值$200至$300的牛扒，AL更向大家示範日常如何在餐具及飯盒噴消毒劑。當負責拍片的花姐笑問到吃這些會變成怎樣，AL就搞笑地拉緊上衣變成貼身衫，笑言：「呢啲改變你哋自己留意一吓有乜嘢唔同。」至於為何鍾意食白飯？AL就表示：「因為我好鍾意白飯粒粒分明嘅咬口、甜甜哋，同埋我好鍾意食硬飯。」

竟公開爸爸睡相。

神徒好心急問教主準備下首歌未。

其後AL尷尬讀出神徒一條問題：「點解LoLo咁靚仔咁charm ?」在旁的花姐即無視狂笑，而AL亦應網民要求，大玩連環20張自拍照，十分鬼馬。AL又透露自己增肥成功：「我一直係瘦底，最瘦試過126、127磅，我呢個身高嘅男仔應該140幾磅先正常，過去呢1、2個月見到我不停po story食宵夜相，我由128磅用一個月時間增到142磅，直至今日係146磅。」他又坦言享受現在的工作，沒有後悔入行。

梗係選好，連MV都拍攝中。

Anson Lo百忙中拍片玩Q&A慰藉神徒 親解鍾情白飯原因

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。