魯振順《360秒》自揭曾「睇唔開」 細訴與亡母三個遺憾

魯振順以壓軸演講嘉賓亮相TVB綜藝節目《360秒人生課堂》，分享人生故事。1978年報讀第八期電視藝員訓練班的他，入行逾40年遇過不少挫折，更曾因有感事業零起色，以致看不開割脈自殺，傷透母親心，成為與母的第一個遺憾：「喺細佬婚禮度，我屋企人圍住我問復元情況，突然間有隻又老又瘦嘅手伸過嚟捉住我，我擰轉面，見到我媽兩隻眼通紅、流咗好多眼淚……你哋話如果我死咗，係咪好不孝？」

魯振順完成高中課程，全因母親的一番話。

全程忍淚的魯振順，憶述小時候因無心向學，遭父親嫌棄並著他做擦鞋仔，惟獨母親堅持要他完成學業：「我媽拖住我隻手，去求每間學校收我。當時天氣好熱，我見到我媽大汗疊細汗，佢一路行一路話，一定要勤力讀書，有知識先至有前途、先至搵到飯食，如果唔係做乞兒㗎。」因母親的一番話打動了自己，亦因此爭氣地完成高中課程。

魯振順因要開工未能趕及見母最後一面，是其一生遺憾。

魯振順一直強忍淚水。

直到魯振順加入演藝圈，母親仍無視老公的反對，全力支持，他說：「我之所以有今日，全靠我母親。」與母親心連心，二人曾過了十年相依為命的快樂生活，但隨著母親年事漸高，他就像一般子女要面對照顧年邁父母的問題及壓力：「我睇見我媽開始老、我好擔心，佢話唔好送佢入老人院，佢死都要死喺屋企。我當時雖然有好多經典角色，但好睇唔好使、賺唔到錢，自己都照顧唔到自己，我邊有能力照顧我媽？終於將我媽送咗入老人院。」縱然他有密集式去探望，但仍彌補不了二人之間的第二個遺憾。

魯振順講到母親已不在人世時，泣不成聲。

直到2017年中秋節，魯振順的母親急性肺炎入院，當時工作極忙的他要開工外，又要照顧母親，以致心力交瘁：「我好攰，好痛苦！終於中秋過後第四個晚上嘅11點半，當時我喺尖沙嘴拍緊外景，呢個時候我媽離開咗我，我連佢最後一面都見唔到，我覺得好遺憾。」背負住三個遺憾的他，含淚呼籲珍惜眼前人：「如果你哋父母仍在，真係好好照顧佢哋，好好愛錫佢哋、孝順佢哋。」他坦言每年中秋都會抬頭望天問：「媽，你過得好嗎？」、

360秒人生課堂丨魯振順傷母心細訴三個遺憾 自揭曾睇唔開割脈

24小時求助熱線︰
生命熱線︰23820000
明愛向晴熱線：18288
東華三院芷若園熱線︰18281
社會福利署熱線︰23432255
利民會《即時通》：35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」：www.openup.hk
醫院管理局精神健康專線(24小時精神健康熱線諮詢服務)：24667350

《神耆小子》於5月6日首播！

由王偉仁監製、林麗媚擔任編審的TVB懸疑輕鬆小品《神耆小子》，由5月6日起逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

Kent哥呢個錢大海角色唔單止有霸氣，仲好霸道。

Kent哥呢個錢大海角色唔單止有霸氣，仲好霸道。

但其實呢位老人家，仲有搞笑可愛嘅一面。

但其實呢位老人家，仲有搞笑可愛嘅一面。

Archie喺劇入面既精靈又乖巧。

Archie喺劇入面既精靈又乖巧。

以新人嚟講，演繹好自然，值得期待。

《神耆小子》由兩屆金像影帝得主鄭則士（Kent哥）夥拍劇集界新丁冼靖峰（Archie）攜手演出，故事講述白手興家的零食集團「勁威威」CEO錢大海（鄭則士飾），由於硬淨成性，無論在商場或屋企均是「有佢講冇人講」；面對大海的高壓手法，兒子繼來（曹永廉飾）、女兒有方（傅嘉莉飾），及情人知己洪玫瑰（樊亦敏飾）表面言聽計從，實則各有各陽奉陰違，大海對三人亦存有極大疑心，經常以遺囑作為威脅三人籌碼…一天大海上班途中突遭綁架，綁匪聲稱是其家人指示，自此「查找綁架叛徒」風波一觸即發，偶爾路過綁架現場的趙一鳴（冼靖峰飾）在「冇得揀」的情況下成了大海私人偵探，並遭威逼收留大海；豈料回到家竟發現父親子勇（蕭正楠飾）與大海有陳年血海深仇；主角們錯綜複雜的關係、配以出乎意料的劇情發展，及充斥抵死鬥氣金句的場口，輕鬆惹笑之餘不失懸疑。

Archie同Kent哥勁多對手戲。

Archie同Kent哥勁多對手戲。

Archie同Kent哥勁多對手戲。

大海上班途中遭突然綁架。

大海上班途中遭突然綁架。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

1974年已開始為無綫拍攝劇集的Kent哥，演出過無數經典影視作品，當中最為人津津樂道的角色絕對是肥貓，當年Kent哥亦是因《肥貓正傳》與《神耆小子》監製王偉仁（Simon）結緣。為了凸顯Kent哥錢大海一角的霸道，Simon專誠為其設計了「老虎狗」Image，並大讚認識了近三十年的Kent哥易話為，亦是整套劇集的靈魂人物，Simon說：「只要Kent哥喺度，所有演員同台前幕後都會寧舍開心同埋專注。Kent哥有一樣嘢真係幾十年都咁專業，就係佢永遠唔會遲到、仲例必比通告時間早半小時到做準備，好值得欣賞。」

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Kent哥呢個「人形動物公仔」扮相好Cutie。

另一亮點是演戲演足50年的Kent哥，是次主要對手竟是劇壇新丁Archie，雖然二人演齡差距頗大，但演出卻一拍即合，在連場與Kent哥的互拋場口，Archie不但「戲勢」頂得住，就連涉及勁多IT專有名詞的對白亦應付自如，值得期待，Archie受訪時笑言全靠Kent哥貼身指點，並細數Kent 哥3大暖心行徑，首先是教講對白加揣摩角色，然後是近乎24小時貼身指導及慰問，第三點則是樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解番場戲點解要咁做；每日拍完一齊食飯，佢又會講番我聽佢嘅相關經驗、同我點樣可以去更好咁裝備自己。」

曹永廉今次個角色到底忠定奸呢？

曹永廉今次個角色到底忠定奸呢？

陳榮峻喺劇入面，係Kent哥嘅老友兼忠心近身下屬。

蕭正楠個角色好正氣憨直，絕對係入屋之選。

Kent哥喺劇入面會忽然變「老虎狗」，好cute cute。

「佢連Off cam之後返到屋企，都會再Text我，教我邊場邊場可以注意啲乜，臨尾仲一定加句：『希望你拍攝順利啦』。Kent哥又會同我傾偈時教我好多人生道理，用佢嘅人生經驗教我點去看待自己嘅事業。拍完套劇我就去咗拍《亞洲超星團》，Kent哥差唔多每兩、三日就同我講加油，問我咩狀況、有冇咩困難？呢啲前輩邊度搵？」與鄭則士份外投緣的Archie，坦言對方與自己已過身的爺爺很相像：「都係佻皮得嚟又有威嚴，所以對住Kent哥，我係愈嚟愈唔怕佢，一開始都驚佢架。」Archie另外還感激樊亦敏（Amy）的提點：「我平時會睇多啲IT嘅嘢，呢個係Amy姐教我嘅，到我睇劇本時我就知個term講緊咩，就可以好有自信咁講到出嚟，咁角色嘅說服性會強好多。」除了Archie，Kent哥與蕭正楠亦有大量「廝殺」場口，在官方預告片，二人不但經常口角，其中一幕蕭正楠更會喪扯Kent哥底衫大玩對質互數，期待值爆燈。