社會事
外出用膳不時會「踩着地雷」，近日有食客因不滿餐廳食物及服務質素，與食肆理論不果後，竟決定報警求助，引起熱議。
蟹粥煲。資料圖片
這名食客在FB群組「香港放題關注組」發文，表示前往一間日式放題餐廳用膳，然而卻遇到很多問題，包括餐點追了數次單沒有到、蟹粥煲燶照上枱、芥辣八爪魚壽司有酸餿味、剪蟹鉸剪完全未洗過、食物求其上枱兼重覆等。這名食客直言是「貼錢買難受」，最後排隊埋單與職員投訴蟹粥煲燶，但女職員反駁指「食完先話燶」，爭執一輪後報警求助。
資料圖片
警員接報到場了解。
事件引起惹議，有網民認為「報警叫警察試食？會唔會濫咗啲啊」、「想問報警有乜用」、「梗係call食環啦」；有人指出「呢間野出曬名好耐」、「blacklist咗」；亦有人稱「呢間我食過2、3次，食品質素算係ok」、「之前去食過其實都算一般」。
食客報警求助。網圖
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
