黃劍文仲話想增磅!
黃劍文日前拍攝尋覓香港美食為主題的網片,為餐飲業復甦打氣,其間要品嚐新鮮南美海膽,少食魚生的他面露難色說:「因為我以前好少食海膽,慢慢配埋壽司飯都可以接受到,今次要我一大嚿咁食入口,啲味濃到『漿』住個口講唔到嘢,經歷今次之後接受程度係高咗。」
黃劍文(左一)日前拍攝尋覓香港美食為主題的網片。
黃劍文(右)表示有時為攞靈感寫歌,會靠暴飲暴食。
因拍攝要到訪多間餐廳,黃劍文食足六餐,更為工作人員加餸,他說:「得罪講句呢,其實我係食極都唔肥,反而呢刻係想增磅,所以拍飲食節目真係難唔到我,不過我唔敢同人講,因為咁囂張怕比人打。嚟緊月底我都會出新歌《人間飄浮》,有時會靠暴飲暴食攞靈感,如果成績好而疫情又OK的話,我就請粉絲食餐勁嘅!」此外,節目中有介紹紅酒的部分,黃劍文自言易醉,因此不敢開懷暢飲,但卻即場被KOL拍檔踢爆講大話,指他由朝早飲到天黑,仍然口齒伶俐。
黃劍文(右)自稱易醉,不過卻被拍檔踢爆講大話。
黃劍文拍片分享一日擦六餐 食極唔肥怕被人話囂張
黃劍文好感動!
《中年好聲音2》比賽後,黃劍文歌迷人數培增,並承諾得獎後會同歌迷搞場BBQ聚會。日前劍文終於找數,同過百歌迷歡度一個歡樂嘅晚上。一向歌迷聚會都係以歌會友,劍文話首次同歌迷一齊BBQ感覺好興奮,好戥佢哋熱,歌迷仲好 sweet話幾熱都要陪你,令劍文份外感動。
黃劍文找數跟歌迷BBQ。
劍文話首次同歌迷一齊BBQ感覺好興奮!
現場仲有歌迷們悉心佈置打卡位。劍文到達現場後,過百歌迷夾道歡呼,當劍文行到去露台的時候,一班歌迷們好有心思,預先準備大合唱《凡星2》送畀他,這首歌對劍文份外有意義,因為是他比賽時候進入三強的必殺歌,聽到呢首歌嘅時候劍文都有眼濕濕。
歌迷好sweet話「幾熱都要陪你」,令劍文份外感動!
劍文到達現場後,過百歌迷更大合唱《凡星》送畀他。
搞到劍文眼濕濕!
歌迷改咗會名叫「Kimchi Family」。
原先安排在露台燒嘢食及同歌迷唱歌,雖然天公不造美,活動移師室內進行,劍文話反而更親密,所有歌迷圍住自己唱歌,感覺好多愛包圍著自己,仲見到佢哋臉上嗰個係笑得好開心,所有人好似回復小朋友一樣。因為今次的聚會,歌迷們改咗會名叫「Kimchi Family」,劍文好感動,話我終於有個大家庭!