張敬軒紅館補場演唱會,昨晚(18日)來到第7場演出,連詩雅、黎紀君、張天賦及蘇施黃等人到場支持。軒仔演唱一曲《笑忘書》時說:「呢首歌係我患上抑鬱症最嚴重時寫嘅,因為當時冇咩工作同埋喺屋企面臨一啲狀況,今日唔知聽日事,甚至乎唔知自己仲想唔想繼續行落去,坦白講,我唔係冇輕生嘅念頭,但我實膊頭太重,有父母、有家庭及有我嘅歌迷,自己唔開心嘅時候嘗試一下寫歌,咬緊牙關咩都做,曾做過TVB8嘅節目主持,唔知下一刻會係點,只能做到活在當下,捱到今天有咁多觀眾支持我,張敬軒做到你都做到,因為我都係普通人,記住捱嘅時候要咬緊牙關。」
坦言在抑鬱症最嚴重時,曾有輕生念頭。
軒仔請來湯令山出任昨晚嘉賓,又笑言自己可以做他的老竇。
軒仔在介紹嘉賓湯令山(Gareth.T)出場前,透露兩人做網友已經兩年多,起初以為對方的廣東話不好,但原來識錄歌、唱歌及編曲,及後Gareth. T出場跟軒仔合唱其歌迷會會歌《懷舊情人》,唱畢後軒仔笑指自己可以生得出只有22歲的Gareth. T,而他即送上兩本烹飪書給軒仔,不過Gareth説:「唔係送畀你,係送給你嘅『遮遮』,希望你日後早餐超級豐富。」
之後軒仔問在場觀眾可有留意他在社交媒體貼出近日吃宵夜圖片,他解釋因為媽媽不懂英文,只對家中遮遮說:「粥!」自始由開騷到現在每晚都是吃粥,他笑說:「大佬呀,我係開演唱會,唔係照腸鏡,不過唔緊要,好彩粥內有花膠海參,男人到呢個年紀要滋陰。」
Gareth送兩本烹飪書給軒仔「遮遮」,希望他有安樂茶飯食
軒仔「遮遮」近日又有新搞作。
24小時求助熱線︰
生命熱線︰23820000
明愛向晴熱線:18288
東華三院芷若園熱線︰18281
社會福利署熱線︰23432255
利民會《即時通》:35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」:www.openup.hk
醫院管理局精神健康專線(24小時精神健康熱線諮詢服務):24667350
容祖兒今年首支派台作品《九秒九》今日(4月29日)上架,歌曲由黃偉文與湯令山再度合作。
去年,黃偉文(Wyman)與湯令山(Gareth. T)創作了《緊急聯絡人》,男方將前度名字填在「緊急聯絡人」一欄;今年,故事由祖兒延續,由女方角度呈現出如何徬徨焦躁準備這趟特急行程,可謂是《緊急聯絡人》下集。祖兒透露概念全由Wyman促成,「因為佢係《緊急聯絡人》嘅填詞人,當我俾咗Gareth呢個demo佢嘅時候,佢好快就話俾我聽『不如我哋就寫《緊急聯絡人》嘅下集。』由我作為第一身去講番嗰件事、嗰個感受。」
容祖兒推出今年首支派台作品《九秒九》。
《九秒九》故事由祖兒延續,由女方角度呈現出如何徬徨焦躁準備這趟特急行程,可謂是《緊急聯絡人》下集。
觀看相關影片按連結:https://youtu.be/-faG6EV5G4A?si=eUbytBaC2jMXlyY_
祖兒坦言對於每個階段的樂壇都有自己很欣賞的音樂人,上一個很喜歡的是方大同,近年是Gareth. T,「呢幾年每一次聽湯令山嘅新歌,我都可以無限循環咁樣去聽,無論佢嘅melody同埋演繹,對我嚟講好有feel,所以今次做新碟第一個想合作嘅人就係Gareth,咁就搵佢啦。」
祖兒坦言近年很欣賞的音樂人是Gareth. T。
除了作曲,祖兒亦邀請Gareth. T於MV客串的士司機一角,「佢嘅MV都係佢嘅創作嚟嘅。所以我話:『我今個MV可唔可以邀請你參加呀?你啲MV成日都有你啲朋友,我可唔可以邀請你?』佢話:『ok㗎,我可以㗎。』然之後佢就喺入面飾演一個角色。」
祖兒亦邀請Gareth. T於MV客串的士司機。
今次MV最特別之處是採用一鏡到尾的拍攝手法,面對首次「一shot直落」的祖兒坦言充滿挑戰性,各種的走位細節等,在拍攝前已在祖兒腦海「走」過無限次。另外,又請來著名舞台劇演員、風車草劇團創辦人之一的邵美君導戲,祖兒謂:「有兩個單位我好多謝嘅,第一次合作嘅導演Maggie同埋邵美君老師。好耐之前我已經同邵美君講,『我好想跟你學演戲。』雖然最後冇成事,但今次呢個MV Maggie幫我搵咗美君,我哋一拍即合!喺佢嘅指引底下拍咗呢個MV,個感覺好安全、好有信心,希望大家都會喜歡呢個MV啦。」
今次MV是採用一鏡到尾的拍攝手法。
並請來著名舞台劇演員、風車草劇團創辦人之一的邵美君導戲。
祖兒指在美君的指引底下拍MV,感覺好安全、好有信心。