Ian戴罩扮《回魂夜》 星爺 歌迷組織義工團搞連串生日應援

Hellosss發起清潔沙灘及捐款活動，好有意義！

MIRROR成員陳卓賢（Ian）在社交平台出Post，相中他穿黑衫黑褲戴黑Cap帽，還手捧一義盆植物，再附加一張周星馳經典作《回魂夜》劇照，並留言：「祝Lily快高長大。」比較下他扮星爺好神似。

《回魂夜》係星爺1995年嘅作品，當時Ian都係得2歲。

真經典，大家覺得Ian扮得似唔似呢？

歌迷Hellosss來不及反應，好兄弟江𤒹生（Anson Kong，AK）已秒回留言：「熄咗佢」，Hellosss忍唔住問：「有無咁快呀？」而AK這句「熄咗佢」，其實是《回魂夜》的對白，場戲講星爺用盆有感應鬼魂功能的百合花Lily，在差館測鬼時，飾演警察的李力持播恐佈音樂，被星爺喝令「熄咗佢」。 

「Lily」都識，Ian真係有睇過。

另外，下月9日是Ian 29歲生日，他的歌迷Hellosss準備一連串生日應援，其中一項活動是組織義工團隊做慈善，香港Hellosss發起清潔沙灘及捐款活動，非常有意義。昨日（22日）有200多位Hellosss抵達石排灣後，兵分多路清潔沙灘，先後清走398個水樽及重802.27公斤、共65包垃圾，籌得善款捐給協辦單位支持保育海洋。

下月9日係Ian 29歲生日，歌迷Hellosss準備一連串生日應援。

頭炮就係去沙灘執垃圾，好有意義。

辛苦Hellosss，大家去沙灘玩，真係要帶走自己嘅垃圾呀！

義工團於5月成立，今次清潔沙灘是首個活動，下月4日會在大埔、屯門、荃灣和將軍澳舉行「SAA x Hellosss同伴保護遺棄動物賣旗日」。至於美國、英國、加拿大、馬來西亞及澳門等地的歌迷會都會發起不同慈善活動。 

各地嘅歌迷會都會發起唔同慈善活動，為Ian生日應援。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。