黎峻一晚清五支紅酒 洪助昇自爆醉後瘋狂跳舞

Kenneth和Aiden都表示鍾愛威士忌。

有「素人男神始祖」之稱的藝人黎峻（Kenneth）、劉若寶（Polly）及剛推出首支派台作品《憑實力單身》的樂壇男新人洪助昇（Aiden），日前受蘇格蘭威士忌品牌「 The Macallan」邀請出席活動。

黎峻、劉若寶及洪助昇出席威士忌品牌活動。

劉若寶、黎峻、洪助昇

活動上，三人對威士忌的成份、釀製過程等都甚有興趣，不停跟現場工作人員討論及研究。問到眾人喜歡飲甚麼類型的酒，Kenneth表示鍾愛威士忌，認為它跟人生一樣，「Whisky係一個需要長時間去釀嘅酒，佢未必一定有寫年份，你要入口先知入面有乜特質，要慢慢去細味唔同嘅成份，我覺得好有趣。有啲似人生，就好似初出矛蘆嘅後生仔，唔一定做唔到嘢，只係你有冇一個好好嘅機會去發揮自己嘅所長，就好似Whisky咁樣，年份新啲嘅酒，未必唔好，所以我覺得係幾有意思嘅一樣嘢。」Aiden則謂：「我鍾意Whisky、清酒或者Volka，我鍾意品嚐酒嗰種醇。」

活動上，三人對威士忌的成份、釀製過程等都甚有興趣。

過程中還不停跟現場工作人員討論及研究。

三人認真聽工作人員講解。

至於酒量方面，原來Kenneth是三人當中最飲得，最厲害試過一晚飲五枝紅酒，「我記得有次朋友生日，佢好鍾意飲酒，嗰次佢迫我飲咗五支紅酒，溝埋whisky、白酒，其實咁樣撞酒好容易醉，嗰次我都有少少醉嘅感覺。」而Aiden自言屬中等酒量，「因為我係一個好容易飲醉、好容易面紅嘅人。多數都係同朋友聚會，或者係一啲喜慶嘅日子先會飲酒。」

雖然飲得，但Kenneth也有醉的時候，印象最深刻一次是因為飲醉酒而跟朋友大和解，「之前因為同一位男性朋友之間發生誤會，大家冇聯絡一排，有一日一班朋友約出嚟食飯，嗰日大家都飲到有啲醉嘅時候，佢就捉住我隻手，然後大家打開心扉，講大家之間有乜嘢做得唔好，嗰次我都覺得幾surprise佢會咁做，最後當然最後和好咗啦。」

至於Aiden則在自己生日中飲醉，「我啲朋友係咁灌我飲，醉咗之後我無啦啦瘋狂跳舞，但平時我係唔跳舞嘅，朋友即刻拍晒片，第二朝睇番啲片都幾恐怖吓，哈哈。」不過，數到最「恐怖」的，算係Polly的經歷，「成班friend一齊慶祝一位朋友生日，因為佢哋個規矩係壽星仔要同在場每個朋友飲一杯，最後佢當然係飲醉咗啦，其實醉咗都冇乜問題，但走嘅時候幾個朋友一齊搭的士，喺的士上面佢開始係咁嘔，最後佢嘔到我哋幾個朋友全身都係！呢次經歷真係深刻到令我記到而家。」

洪助昇表示希望透過新歌《你不是我的岸》講出「沉船」不要緊，最緊要識「上岸」。

英皇歌手洪助昇（Aiden）今日（4月18日）接受新城《勁爆樂勢力》主持黎莉訪問，宣傳足足用了10個月時間製作的新歌《你不是我的岸》，他在節目中坦言自己對歌曲及歌詞要求都很堅持，收到幾個Demo都不太滿意，歌詞也改了三個版本，他感謝唱片公司及同事、監製放手讓他發揮。

Aiden接受新城《勁爆樂勢力》主持黎莉訪問，宣傳新歌《你不是我的岸》。

黎莉問到《你不是我的岸》是Aiden自身真實的「沉船」經歷，Aiden表示希望透過歌曲講出「沉船」不要緊，最緊要識「上岸」，無論感情上遇到任何問題或不健康的感情，都會搵到好的出口，他說：「以前都好理性，之後想試下從感性方向識人，但想表白時，對方已在早一星期被人表白了，其實自己明知對方講大話，一早已睇穿對方喜歡短暫的愛情及享受瞹眜關係，以為自己可以改變對方，雖然都需要一段時間康復，但最後依然會為對方護航，依然覺得對方沒做錯，是自己願意付出。」

《你不是我的岸》是Aiden自身真實的「沉船」經歷。

Aiden希望透過歌曲講出「沉船」不要緊，最緊要識「上岸」。

Aiden並在節目中笑言加入唱片公司初時本想成為情歌王子，但其後公司提議他做悲歌王子，就連他坐的士到新城訪問時，他問司機知不知誰是洪助昇，豈料司機回覆有聽過，更指洪助昇全部歌都好傷感。

Aiden自爆坐的士到新城訪問時，問司機知不知誰是洪助昇。