社會事
有土瓜灣網民發現近日區內出現「招女婿」街招，街招內有自稱有「億萬身家」，「因為沒有兒子，沒有香燈，故為女招婿繼產業」，街招更留下手提電話及「女兒」具體住址。網民熱議之餘，竟有人真的打電話去問個究竟。
設計圖片
部分網民指該街招不時在區內出現：「耐不耐都見有張咁嘅嘢貼係度。」「這個，年年都有出現(我知都約有十年) ，可能是真。」
土瓜灣之友FB相片
網民們都不相信這類胡鬧街招，有網民認為是「收數佬追債新招」「好多八卦嘅，或者不知嘅人會真係打電話去，噉就達到騷擾嘅目的。」「無錯，一睇寫埋電話地址就知道係有仇口。」有網民則認為「好明顯係一樓一（鳳）生意廣告」。
unsplash示意圖，非涉事人
有兩位好奇心強的網民最後循街招上電話打去問究竟，隨即被其他網民追問結果，他們其後留言表示：「你打的電話暫時停止服務，即係話佢熄咗電話。」「連電話都熄埋。」有網民得知結果後笑言：「有一大筆債務要搵人繼承。」
來源：土瓜灣之友FB
土瓜灣之友FB相片。右為unsplash示意圖，非涉事人。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
