「實力派」演員袁偉豪突然轉型？ 網民留言：你老婆唔會同意

又會咁突然嘅？

41歲的袁偉豪早前於《萬眾同心公益金》客串加盟TVB的限定男團SUPER TIGER，擔任「C位」勁歌熱舞，還自認自己充滿年青活力！心境非常Young的他，近來在抖音都相當活躍，還拍片以「土味情話」冧粉絲，成為網民熱話。

袁偉豪

袁偉豪早前暫代已退團的羅天宇「C位」，與SUPER TIGER一齊勁歌熱舞。

袁偉豪雖然唱歌索晒氣，但自覺好有青春活力。

袁偉豪在影片中神神秘秘地宣佈︰「大家好我係袁偉豪，做咗實力派演員咁耐，我想轉型！」大家都知道袁偉豪是07年港男冠軍，正式入行前做過人體杖模特、電影閒角，也拍過維他奶廣告; 加入TVB後，拍了多部劇集包括《On Call 36小時II》、《城寨英雄》、《把關者們》等等，兩年前更以唱作歌手姿態進軍樂壇。努力多年總算在演藝圈闖出名堂的袁偉豪，到底想轉型做什麼工作呢？

袁偉豪和陳家樂主演的TVB劇《把關者們》。

日前袁生拍片突然話想轉型。

話峰一轉，袁偉豪就CHOK住樣道：「轉做……你嘅理想型。」雖然是娘爆對白，但都有不少網民受落。粉絲們紛紛大讚︰「你好型啊」、「居然不土」。不過，亦有網民留言叫他別亂來︰「算了，你都結婚了」、「你老婆唔會同意㗎」，十分搞笑。

原來係想做大家嘅理想型！

不過......袁偉豪已為人夫啦啵！

張寶兒與袁偉豪兩公婆經常在網上放閃，一起晒靚相。

袁偉豪口花花，仲話想做萬人迷，張寶兒會點諗呢？

生日快樂！

剛剛踏入42歲的袁偉豪獲太太張寶兒以及一眾好友包括「豹哥」單立文、「豹嫂」胡蓓蔚、陳山聰太太Apple、胡定欣等為他慶生，場面熱鬧！

兩公婆合照

獲多位好友陪伴慶生

場面熱鬧

張寶兒於IG同貼出生日會照片，並說：「祝袁生生日快樂！我會見證你的生日願望一步一步實現，繼續傳統和街坊吃生日飯還有蛋糕佬Jimmy超有型的ARRI蛋糕！ @theartiliciouscakery 袁咕碌明年一齊食生日飯 好不好？ 等你 #生日快樂 #生日蛋糕 #arrialexa #cameracake #birthdaycake #cakeideas」。

袁偉豪很喜歡今年的生日蛋糕

許願後拍熄蠟燭

生日蛋糕造型獨特

袁偉豪喜歡攝影