博師傅誇讚ANSONBEAN是武打明星新血!
陳毅燊(ANSONBEAN)剛剛推出新歌《RISE》,以挑戰不可能的概念創作,MV中ANSONBEAN進行地獄式訓練為替好友復仇,拍攝時他不但展露健碩的身材,還親身上陣應付武打場面!
ANSONBEAN大玩武士刀。
臂力驚人喎。
仲好有彈跳力。
開心過足「打交癮」
除了健身、跳舞與極限運動,ANSONBEAN對武術也相當感興趣,最近他找來了著名電影動作指導、憑《一秒拳王》入圍本屆香港電影金像獎頒獎典禮「最佳動作設計」的梁博恩(博師傅)親授武術,特訓一個月已能掌握到九節鞭、武士刀等武器的運用,令ANSONBEAN過足「打交癮」,他笑說:「我小二時曾經學習武術,學咗三年就停咗,今次因為自己嘅新歌,再次投入武術練習,我好鍾意呢個運動,真係愈打愈有癮,我會繼續學習,每日都盡量抽時間練功,希望可以做到真正嘅武術高手!當然嚟緊都希望多啲參與功夫電視劇或者電影拍攝,我好有信心架!」
今次令ANSONBEAN過足「打交癮」。
展露健碩身形。
獲讚武打明星新血
在圈中武打巨星近乎青黃不接的情況下,博師傅誇讚ANSONBEAN有望成為新一代武打明星,他說:「佢跟我學差唔多一個月,本身主要係為咗MV,開頭只係學啲基本功,因為MV裏面有啲幾有趣嘅元素,所以我建議佢玩武士刀,佢領悟力好高,而且好勤力,自己會不停咁練習,到一個月左右已經揮得好靚,無論同武師夾位、體能、動作、甚至係記招式,佢都好快掌握到;另外佢有用到九節鞭,其實軟兵器好難練,打得唔好會傷到自己,見佢真係不停咁練,到拍攝時已經做得好好!佢真係好有天賦,𠵱家已經冇乜武打明星,Anson絕對係武打明星嘅新血,我拍咁多武打片,真係好少見到似Anson咁樣,如果佢繼續練會愈嚟愈好。」
ANSONBEAN獲讚好有武打潛質。
ANSONBEAN只得21歲有大把前途。
ANSONBEAN以「打遊擊」的方式拍新歌dance version。
陳毅燊(ANSONBEAN)上周五(3月22日)推出新歌《IMPATIENT》,新歌內容主要是想借藝人追女仔的角度,帶出其實所有人都可以將一些包伏或規則放下,才能更加赤裸去面對大眾。昨晚(3月26日)Anson以「打遊擊」的方式為他的新作拍攝dance version,一晚內走遍銅鑼灣Sogo 、中環摩天輪、天星小輪與文化中心等地,將香港特色呈現。
ANSONBEAN在街頭拍攝《IMPATIENT》MV dance version。
跳得大汗踏細汗!
吸引不少豆粉與市民圍觀。
除外套騷肌引圍觀者歡呼!
ANSONBEAN樂與市民互動。
Anson先在銅鑼灣拍攝,吸引豆粉與數十市民圍觀,能夠看到Anson現場跳舞,跳得大汗踏細汗,除下外套時有人更驚呼大隻!Anson說:「今次喺鬧市取景,同大家一齊互動、一齊玩咁,大家睇得好開心,我都覺得好開心。」其實今次拍攝的概念源自Anson最近愛上自導自演功夫短片,他笑說:「目前為止拍咗7條,好多人問點解喺街拍,因為冇錢租場,哈哈!其實因為成日都即興,又想用最低成本做到最想做嘅嘢,大家又睇得開心,都好多人因為睇咗我嘅片,知道我喜歡武術。」他續說:「所以今次新歌dance version都用呢個模式,希望可以將香港唔同地方呈現喺裏面。」
勁有型!
大派福利。
ANSONBEAN表示:「今次喺鬧市取景,同大家一齊互動、一齊玩咁,大家睇得好開心,我都覺得好開心。」