苑瓊丹拍片分享拍攝伙食軼事 激讚某演員唔想麻煩人有藝德

苑瓊丹 (石榴姐) 近日主持網上節目《石榴姐點香港》，帶大家遊九龍城，遊覽不同電影拍攝場景。在節目第2集，佢仲提到拍攝時嘅用餐安排，原來拍電視跟拍電影時派嘅飯盒係有分別，更爆出演員們最愛嘅飯盒同背後嘅原因。

苑瓊丹(石榴姐)帶大家遊覽九龍城電影勝地。

第一集帶大家去睇星爺《功夫》中「豬籠城寨」嘅原型---「九龍寨城」。

在第2集，石榴姐「偶遇」曾出演嘅電影《乾柴烈火》嘅取景地。

呢間1932年已開業嘅中醫館兼藥行，如今已成為一家時髦嘅咖啡店。

石榴姐透露一般電視台拍劇時，會定好了伙食，演員們是無say。佢話︰「電視台一般嘅飯盒，有價錢嘅限制，大概係20幾蚊一餐飯，連一個汽水......即係燒臘飯。」但拍電影就好服侍啲，有時候會有專人來問演員想食咩，叫到就會有人幫手買：「我哋會盡量揀啲唔帶醬汁嘅食。」為嘅係避免被醬汁整污糟戲服。不過在電視圈混跡多年嘅石榴姐，表示對燒臘飯情有獨鐘︰「你睇見有，你就會好高興。點解呢？因為有工作，有錢賺，有飯食，係幾開心嘅事呀！」

石榴姐表示拍電視劇無得揀飯食。

但拍電影嘅待遇好好多，會有人幫手買演員想食嘅嘢。

石榴姐對燒味飯情有獨鐘，皆因對拍電視有感情。

石榴姐仲為大家揭秘藝人們至愛嘅食物！佢透露原來鄭少秋會叫人買腸粉：「他話食完又飽肚，又容易吃。」跟住，佢又狂讚某藝人對工作人員好貼心︰「有一個藝人係特別好嘅，咩叫做有藝德嘅藝人？佢為咗令啲去買飯嘅手足咪咁麻煩，所以佢就食星洲炒米。喺香港，無論邊一間茶餐廳，邊一間飯店，都能買得到星洲炒米。」到底呢位咁暖嘅藝人係邊個？就係古天樂啦！

石榴姐狂讚古仔貼心，專揀食星州炒米，等工作人員唔使頻撲。

Sammi差不多每年都為杜sir慶祝生日。

前日（4月22日）是導演杜琪峯69歲生日，每年#鄭秀文（Sammi）都會為恩師慶祝，今年也不例外。昨日（4月23日）Sammi在IG分享飯局照片，同場還有杜太、 鍾楚紅、古天樂 和張叔平等。鍾楚紅臉色紅潤保養得宜，非常搶眼，而杜太則換上一頭銀色短髮，十分有型格！

鄭秀文（Sammi）在IG分享與導演杜琪峯慶祝69歲生日的飯聚合照。

照片中還有杜太、鐵腳古天樂和鍾楚紅等，十分融洽溫馨！

Sammi表示：「認識杜sir，踏入第廿四年。一切由「孤男寡女」開始。廿四年，仍是感恩感激並感謝遇上。昨天是他生日之「聚」。生日快樂，杜sir。」Sammi以hashtag逐一介紹飯局的好友，包括「正在拍攝新戲的杜sir」、「剪掉長髮的能幹杜太」、「一天食一餐的古仔」（古天樂）、「忙於電影剪接的阿叔」（張叔平）、「繼續養尊處優的紅姑」（鍾楚紅）、「活躍勤奮的幕後elaine」、「思想天馬行空的Mi」（Sammi自己）。

Sammi與杜sir交情極深。

Sammi還踢爆古天樂一日食一餐，為保持身型好有紀律。至於形容杜太黃寶玲能幹，圈中早已聞名，她一直是杜Sir的賢內助，並且投資有道，過去喜歡買車位和工廈，曾於2015年以德富寶有限公司（Toprich Bless Ltd）董事名義，豪擲約2,000萬元購入觀塘華寶中心13個車位。2017年古天樂以5,000萬元購入她持有的觀塘潤承大廈工廈單位，可見杜太投資眼光獨到！

杜太黃寶玲（右）更是鮮有曝光！