現階段想放慢腳步唞唞氣！
李幸倪（Gin Lee）原定9月舉行個人演唱會，但由於與唱片公司合約完結而被逼取消，不過她未因此氣餒，正努力思考新策略、尋找音樂路上的新方向，更首次參與法國五月藝術節的港、法交流音樂會，藉機會將香港、法國兩個星光之城連繫起來。
Gin Lee正發掘適合自己方向，讓自己有唞一唞氣的機會。
本年度法國五月藝術節將於6月24日在文化中心大劇院舉行港、法交流音樂會《CITIES OF LIGHT星光之城》，由香港著名作曲家高世章，聯同Gin Lee及爵士歌手塔莉．莫蓮（Talie Monin），將多年來香港、法國互相改編的歌曲，包括法國歌手Camille翻譯電影《無間道》經典插曲蔡琴的《被遺忘的時光》，及陳百強《粉紅色的一生》的原曲《La Vie en Rose》等呈現出來。
Gin Lee為演出特別找老師學法文。
學法文未免失禮人
雖然本身很鍾意法國，但Gin一直未有機會遊覽，她笑言：「希望通關之後不需要隔離，第二個要去的國家就是法國，當然第一個國家是返馬來西亞探望家人，哈哈！」過往她大多透過電影、劇集接觸法國事物，好欣賞浪漫城市巴黎，及其他不同景點、藝術、建築物及時裝，因此好開心可以為今次音樂會演出，參與後才知道，原來有很多香港經典的歌曲與法國歌息息相關：「香港過往有很多歌曲是cover自外國，但原來有幾首法文歌是以廣東歌cover而成，真的很勁呢！通常是亞洲cover外國的歌曲，現在才發覺廣東音樂的影響力是這麼大。」還坦言今次音樂會藝術氣氛較重，能在文化中心演唱算是圓夢，為此特別找老師學法文，希望屆時發音會準確些，以免失禮人。
Gin Lee坦言未有認真想過合約完結後的大計及明確方向。
此外，Gin透露暫定7月出新碟，至於原定9月的演唱會被逼取消，她坦言當下的心態是完成已安排好的工作，亦未有認真想過合約完結之後的大計及明確方向，但她認為可趁機探索不同可能性，因此會和不同人及公司傾，發掘適合自己的運作方式及路向，不會倉促下決定，也算是讓自己唞一唞氣的機會。至於今年再以導師身份參與《聲夢傳奇2》，她笑言會純熟一些，讚今次學員年齡更小、充滿青春氣息，亦會提醒自己說話時再溫柔及婉轉些。
Gin Lee做港法音樂橋樑 發掘更多可能性 約滿舊東家 放慢腳步唞唞氣
其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」
張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。
《EEG電笠人人和音校園巡演》。
Polly劉若寶
六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」
軒仔遭參賽者追數，「我想問吓你着泳衣條數幾時找？」
去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」
軒仔與學生分享表達自己真正觀點，以及決自己不開心的方法。
軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」
Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」
Gin唱出新歌《Diff.》及《企好》。
Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」
Gin又分享自身經歷。
另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。
Vincy分享入行初期被被誤會「好串」的情況。
Aiden洪助昇
Andy黎展峯
Dark黃明德
大合照
