連詩雅短裙騷美腿 遇強風吹險「失手」

Shiga一直撳實裙腳防被大風吹起！

連詩雅（Shiga）、栢天男、王幼倫、張敬仁、陳欣妍7月5日在尖沙咀出席恐龍主題活動，張達倫更帶同4歲半兒子一齊參與。

連詩雅、栢天男、王幼倫、陳欣妍等出席恐龍主題活動。

活動在戶外海邊進行，由於現場風勢頗大，令身穿短裙的Shiga甚為尷尬，裙子多次被吹起，既要顧頭髮又要整理裙子，狼狽萬分，她苦笑謂：「好彩有着打底褲。」

現場都幾大風。

自從男友陳家樂求婚成功後，Shiga的工作一個接一個，似乎是好兆頭，她笑說：「只係巧合，有啲工作係之前疫情而延期，咁啱遇上暑假開始。」

連詩雅話好彩有着打底褲。

問到她與陳家樂的拍拖生活是否也回復正常？Shiga說：「佢近日忙到冇時間，佢返工我就喺屋企瞓覺，我開工時，輪到佢返屋企瞓覺，好似有時差一樣，我哋要靠手機聯繫。」

連詩雅透露未婚夫陳家樂仲喺內地，所以雙方未見家長。

言談間透露了二人同居關係，而家樂現仍在內地工作，Shiga表示要待他返港後，雙方家長才可以相約見面。

陳家樂早前向連詩雅求婚成功。

此外，Shiga透露稍後會為一個關於愛情的真人騷擔任主持，節目邀請素人伴侶分享愛情經歷，當中包含各人面對另一半的生老病死，不少故事很感人，令她感受極深，學懂愛和珍惜。

連詩雅遇強風短裙被吹起勁狼狽 默認與陳家樂同居試婚

這集氣氛熾熱，主辯雙方大致分為「夢幻派」Shiga及「緊張大師」諾懿及阿賴

一共十集的《香港婚後事》逢周四及周五晚十點半翡翠台播映，節目主持為陳自瑤（Yoyo）、賴慰玲（Winki）、黎諾懿及羅天宇，第四集嘉賓是陳自瑤好姊妹之一的連詩雅（Shiga）。為好好照顧懷有六個月身孕的Shiga，諾懿與天宇窩心合力炮製營養豐富又均衡的營養餐給Shiga品嚐，天宇更大晒不為人知的煎魚神技，令Shiga大感驚艷。

估唔到羅天宇煎魚技術幾好

談到結婚半年左右便造人成功，Shiga坦言是在計劃之內，並謂到現在仍只有她和老公陳家樂知道BB性別，連老爺奶奶也不知道。談到得悉懷孕後心情，Shiga坦言由於當時激動過籠，破壞了原本安排好給家樂的驚喜：「佢放工返嚟打開門，我就喊到傻咗，嚇到佢…」Shiga又透露當家樂得悉將做爸爸後，回了一個反應令她大感意外，並透露家樂直到產檢一刻才落下激動的淚水。Shiga續指家樂自始變成緊張大師：「就算今日嚟拍嘢，佢都會問：『咁你使唔使行山、安唔安全？』」Yoyo即忍不住在旁補充：「連去廁所都要摻扶架。」Shiga聞言更正：「沖涼！沖涼！」又謂即使處理家中狗仔大小便，家樂現在也變成「爭住做」：「我係覺得有啲感動，你會見到佢真係有個轉變、好似成長咗咁。」Shiga又分享了老公的「男女有別湊狗」大法，並笑言家樂將來一定是嚴父。

連詩雅今晚呢集不但暢所欲言、仲真情流露。

佢大談自己當時點樣因為忍唔住爆喊，而搞禍咗原先準備好畀老公嘅驚喜。

佢話家樂第一次為個小朋友落淚，係喺產檢嘅時候。

今晚一集繼續氣氛熾熱，主辯雙方大致分為「夢幻派」Shiga及「緊張大師」諾懿及阿賴。小時候目標是生四個小朋友的Shiga，坦言不害怕生小朋友會影響夫妻感情，阿賴及諾懿聞言即大撥冷水，並異口同聲指自己已有六年「冇好好咁瞓覺」。之後諾懿更訴說升呢爸爸後的各種可怕經歷：「我（老婆生）第一胎嗰時，我頭十日有幻聽，成日feel到有小朋友喊…」之後還指女人生得B多會甩頭髮，嚇到Shiga大叫「好驚」，Yoyo見狀邊抱著Shiga邊教訓諾懿。阿賴則忍淚自嘲兒子出世後慘變「大喊十」，除了第一次見到兒子時感動爆喊，兒子所有的「第一次」都能令她落淚收場，包括第一次將飯放入口，相當誇張。

黎諾懿同阿賴原來一個係「緊張大師」、一個係「感動大師」。

阿賴話佢連見到阿仔第一次爬啖飯落口都有喊。

諾懿愈講愈興奮嚇親Shiga，搞到Yoyo忍唔住出手幫個friend定驚。

Shiga話有咗BB後，感受到老公緊張咗又長大咗。

Shiga為羅天宇激動到「動胎氣」？！

今集最精彩環節，繼續是圍攻羅天宇環節。眾人談到婆媳關係時，Shiga竟向天宇說：「我唔係話你唔好，你畀我感覺有少少似媽寶！」天宇聞言雖然極力否認，卻因而慘成圍攻對象，遭諾懿及阿賴連環以各式各樣的情境題「盤問」；最終天宇因不小心說錯了一句，遭Shiga指證：「咁即係媽寶！」全場隨即陷入爆笑狀態，天宇更著激動的Shiga小心「動到胎氣」。欲知詳情，密切留意節目。

佢哋傾傾吓，個矛頭又好自然咁去咗天宇度。最神奇係，連Suppose同天宇未係好熟嘅Shiga，都忍唔住係咁玩天宇。

睇吓個樣幾激動。