已故流行天王米高積遜（Michael Jackson）的經典舞步Moonwalk令人印象深刻。近日網上流傳一段影片，片中青年在港鐵月台上大展Moonwalk舞技，驚艷在場不少人士。有網民笑言「係咪等車等到腳痛？」，亦有人認為青年跳得不錯，有MJ的神韻，「估唔到仲有呢啲高手在民間，勁」。
資料圖片
資料圖片
有網民在facebook群組「香港抗疫關注組」上載一段長約19秒、已加上MJ名曲《Billie Jean》的影片，並寫道「等車等到腳痛？」。根據片段顯示，拍攝位置為港鐵鑽石山站屯馬綫往屯門方向月台，惟不清楚拍攝日期。片中所見，一名身穿橙色上衣、黑色長褲、頭戴cap帽的男子站在車尾位置，整理好背包肩帶後，開始大跳Moonwalk，動作非常流暢。當時月台上有10多名乘客候車，有人看到青年大跳Moonwalk後，即主動讓路任由他繼續表演，亦有人投出奇異的目光。
青年大跳moonwalk，吸引其他候車乘客觀看。片段截圖
影片隨即在網上瘋傳，網民紛紛認為青年跳得不俗，甚至直言「估唔到仲有呢啲高手在民間，勁」，「跳得幾好喎」、「等車無聊練習下幾好，又可以娛樂下大家，佢跳得幾好呀」、「其實幾犀利，跳得咁smooth」，但亦有人認為片段是擺拍，「又幾好嘢喎，但似為拍而跳囉」。
一名青年在港鐵鑽石山站的月台上大跳moonwalk。網上片段截圖
鰂魚涌一名婆婆的住所猶如「垃圾屋」，她每晚只能睡在垃圾堆上，有團隊招募義工幫婆婆打掃，網民見地址即卻步。
（Getty示意圖片）
恐怖「垃圾屋」雜物堆到上天花板
該團隊於Facebook 群組「家居維修交流平台」發文，指一名居於鰂魚涌70多歲的婆婆，長年囤積雜物，令其住所垃圾堆積如山，雜物甚至堆至接近天花板的高度。
(FB圖片）
與同住兒子關係破裂 家中漏水影響鄰居生活
從照片所見，婆婆家中充滿雜物包括各種衣物、電器、廁紙、膠袋等。雜物佔據全屋，寸步難移的她每晚只能睡在垃圾堆上。極惡劣的居住環亦影響了婆婆與同住兒子的關係「阿仔已經頂唔順佢阿媽嘅囤積，所以已經關係惡劣」。垃圾亦遮擋了漏水位置，令漏水問題日益嚴重，甚至影響鄰居的生活「加上屋內漏水而冇法處理⋯嚴重影響鄰居生活」。
團隊招募義工幫忙清潔
為了協助婆婆解決問題，團隊應食物環境衛生署的請求，希望能夠招募15名男女義工，前往婆婆位於鰂魚涌南豐新村的居所，幫助清理囤積已久的垃圾，而食環署亦會派員協助清理工作。
示意圖片
網民：住私樓，自己出錢比人攪！
帖文引熱議，有網民認為婆婆的居所南豐新村為私樓，理應有能力自費請人清潔，不應依賴義工的幫助「住得南豐新村，佢自己出錢比人攪la」、「住南豐新邨，唔係公共屋邨」、「住南豐經濟唔會差，點解唔比錢清」、「住得南豐新村，會唔會考慮用日薪搵人幫手清理？」、「南豐新村私人樓，佢又有個仔，除非你話我知佢個仔又聾又啞又跛，唔係搵乜義工幫手，你好得閒？」
樓主則回應表示「住私人樓宇唔代表係有錢人，更加唔代表佢係一個正常人，正常人就唔會瞓喺啲垃圾上」。
（資料圖片）(圖片來源:星島日報)
網民：治標不治本
有網民則認為治標不治本「社會病態，幫得一次，無幾耐又來一次，這不是解決方法？」、「通常過一排會回復原狀，個阿婆性格會改？沒有喇！」、「老人家已經習慣咗咁嘅生活，義工服務要有長期搞清潔的準備」、「香港地大把呢啲人，幫得幾多個？幫完又病發，佢又執返！呢啲見得多啦！」
帖文來源：Facebook 群組「家居維修交流平台」
