馮允謙表示知道歌迷想他開紅館騷！
馮允謙（Jay）今日（13日）到尖沙嘴出席活動，早前完成4場演唱會仍未有時間休息，但有工作做便覺得開心，他指開騷後仍很Hyper，因此接下來會放幾天假，和父母好好唞一唞，可能會找地方放鬆，但主要都是留在家中睇電視，因媽咪很怕熱又愛追韓劇，他笑言陪伴在身旁聊天騷擾她，也想買大電視送媽咪，講到除了電視更要大屋，因此要好好工作。
宋熙年與馮允謙一同現身活動。
馮允謙透露紅館開騷，一直在申請中。
若不是陪家人，Jay表示會留在家中寫歌，因已欠下不少歌債，他笑言已上癮，希望可以再開騷，又豪言一個月開一次都不是問題：「不過我覺得開騷時第一場未夠投入，到第3場才開始享受，見到大家叫安歌不肯走，我都想唱下去。（晚晚罰不少？）我都知會罰錢，但今次沒有罰到，都是準時完場。（如果開紅館要罰錢！）咁要多謝公司先。」講到前輩張敬軒創下超時紀錄，Jay聽到都不禁嘩一聲，他又表示知道歌迷想他開紅館騷：「紅館一直申請中，自己是平常心，但再開騷都想多幾場，可以5、6場，最緊要賣得晒飛，都要學識快點投入演出，不過唱4場聲都攰，要繼續好好練聲。」
馮允謙想買大電視送給媽咪煲劇。
馮允謙開騷上癮想每月唱一次 申請紅館演出最緊要賣晒飛
「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。
Jay新歌《JAY FUNG儀態訓練學院》MV上架。
觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx
拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。
MV在一間高級餐廳拍攝，Jay坐在其中一張餐枱前。
一班瘋狂食客突然衝出，爭相搶食物，椅子都被撞跌。
最後Jay見到一位小男孩沒有跟著去搶食物。
便上前拖著小男孩離開。
拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。
Jay指同小朋友做對手戲最緊要係要同佢做朋友！
Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」
Jay對自己的名子出現在新歌名都感到好奇。
Jay式字幕
新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」
新歌以Jay的好脾氣做題材，但他自言都有發脾氣的時候。
