Hera表示希望將來再有劇再同Matthew合作時,會再令佢驚喜。
《回歸》於7月29日大結局,雖然一如網民所料大團圓,但因為元宇宙及VR表達手法新穎、耀祖(郭晉安、何廣沛Matthew分飾)及麗娟(陳煒、陳曉華Hera分飾)互動真摯感人,元宇宙、今昔現實及虛擬世界交錯的剪接及敘事手法,令網民看得動容之餘忍不住大讚「有心思」兼「精彩」!
觀看相關影片按連結:https://youtu.be/RlIVizwmemc
據知為了完美呈現VR「畀你體驗多一次,睇吓你會點做」的結局,Matthew、Hera與劇組花了不少功夫、心思及時間。在IG上載「癦屎」自拍照的Matthew,透露為了該段戲,劇組前後花了大約四至五天時間進行拍攝:「公司製作好認真,前後Book咗我同曉華兩日3D Scanning加Facial Motion Capture,之後外景同廠景拍攝,呢段戲總共花咗4、5日完成。面上啲黑點就係For Facial Motion Capture,我哋要坐喺3、40部相機前,擺4、50個唔同表情,每個做3、4次,成個過程半個鐘左右。」
View this post on Instagram
已是第三次與Hera合作的Matthew,笑指自己看著對方一步步進步,並謂力撐好拍擋拎女飛躍:「我梗係希望陳曉華有機會啦,年頭有《異搜店》、之後有《回歸》,大家都見證佢嘅進步。」
Hera則透露為配合Facial Motion Capture,她與Matthew做表情時必須誇張:「比起現實演戲嘅時候要誇張啲,出嚟效果先至會明顯,係一次好有趣嘅經歷。」談到「老拍檔」Matthew,Hera坦言感激對方一直陪伴著自己成長:「佢係見證住我由當初驚驚青青連講句對白都怕嘅時候,到拍《回歸》時可以齊心協力為套劇努力同有交流,好多謝佢嘅陪伴。希望將來再有劇再同佢合作時,會再令佢驚喜,而唔係驚嚇,哈哈。」
另外,獲睇好締造歷史、四奪視帝的安仔,早前夥拍煒哥及曉華齊齊接受無綫節目《東張西望》主持陳懿德訪問,兩人更齊齊入廚房大展身手,煒哥負責炸排骨,安仔則負責「生炒」及拋鑊,每個姿勢都有板有眼,足證其為做好耀祖一角,花了多少心思及功夫。
安仔透露早前備受好評的法庭戲、自己在現場有要求重拍,更因而驚動煒哥及劇組。煒哥強調:「佢本身拍咗兩Take都好好架。」安仔聞言即謙虛謂:「但我過唔到自己個關,因為同我部署唔同,我開頭諗住某一個位先有情緒、另一個位先至流淚。但第一Take後我覺得自己(做)早咗,導演都有問我做乜要嚟過。」