有網民在社交媒體Facebook群組「馬路的事討論區」轉載影片，當中顯示一輛75X九巴上疑有兩名男子為「爭女」而大打出手，其中藍衫漢不斷搥擊黑衫男，黑衫男不但沒有逃走，反而緊捉著對方想反擊，兩人糾纏一團推撞至車門邊。
兩名男子在巴士上大打出手。FB影片截圖
疑為「女主角」的白衣女全程在旁「勸交」，不斷表示「冷靜啲呀」、「唔好再打交喇我唔該你哋」，本來語氣頗為冷靜，其後愈發激動，甚至無奈指「你打我啦好無呀？」、「冷靜啲呀！」黑衫男一度用手臂架住藍衫漢的頸部，更用粗口問候對方，白衣女企圖拉開兩人不果，語帶哭腔，黑衫男著她「行開」，她就突然向對方大叫「你可唔可以放手呀！你唔放手我同你分手呀」。
兩名男子在巴士上大打出手。FB影片截圖
擾攘一輪後，白衣女無計可施，憤而轉身離開，表示「我走喇！你唔走我走呀，好辛苦呀！」剩下兩名男子尷尬對望，黑衫男亦終於可以空出雙手拉好口罩。
兩名男子在巴士上大打出手。FB影片截圖
不少網民均抱住「食花生」的心態觀看影片，更有人搞笑表示「嗰樽蜂蜜綠茶應該幾好飲，見佢打極都唔放手就知啦..」、「香港人而家打交，都不忘要戴好個口罩」、「睇到最後個女人走左，我feel到黑衫好感激藍衫想同藍衫講：兄弟唔該哂」、「本人認為拍呢條片嘅人先值得我地畀like，無論膽色，走位都係非常之出色」、「兩男一女得個嬲字」。
兩名男子在巴士上大打出手。FB影片截圖
另外亦有網民揣測兩名男子打架的原因，「搭巴士見到姦夫」、「兩個爭一個？」、「難道是三角戀？」、「咩事呢？桃色糾紛？」。
影片來源：「馬路的事討論區」FB
