首去曼谷興奮到失眠 陳詩欣著超性感泳衣晒白滑Body

索人妻～

曾拍攝《3日2夜》的「一件頭女神」陳詩欣（Eunice）去年下嫁鍾培生老友陳爾正（Joshua）後，生活愈嚟愈富貴，周身頂級名牌又入住山頂豪宅，由電視台四線姐仔搖身一變成為闊太。

陳詩欣去年下嫁圈外男友陳爾正（Joshua）。

因為疫情，新婚近10個月的Eunice仲未同老公度蜜月，尋日兩公婆終於出發到曼谷旅行，除了泰國不用隔離，香港又實行隔離新政策「3+4」，減低隔離之苦。

久未搭飛機，陳詩欣好興奮。

Eunice上載香港機場準備出發的照片，她表示對上一次出埠已經是2019年去台灣拍攝《學是學非》，而今次曼谷之旅絕對不是度蜜月，是陳氏夫婦婚後第一個旅行 ，加上首次去曼谷，所以Eunice 笑言心情好似「小學雞」去旅行一樣興奮至失眠。

睡房外有個小露台。

闊太續說：「這次旅行大概在三個星期前決定，加上我老公好忙，所以好多行程上都係我計劃，我還開咗個group得我同我老公，Ps.非常建議大家這樣做，因為旅遊政策資料好多又變得好快」，最後更跪求老公批准她吃榴槤。

浴室好大。

到埗後，闊太即地氈式拍攝超大間的酒店房，可見張牀好大，房好大，浴室都有兩個，一個有圓形浴缸，一個係花灑房，仲有小露台可以居高臨下望靚景，翻查資料，房間一晚約4000港元，但經酒店網訂就平一半。

露台個View好正。

邊浸浴邊睇風景。

陳詩欣興奮跳舞。

唔算好貴吖。

錫吓老公都PO出嚟。

去到泰國都搵CODE，想用安心出行。

重點係酒店頂樓嘅無邊際泳池，闊太急不及待換上好有SM Feel嘅黑色一件頭泳衣曬太陽，擁34C上圍嘅闊太好Enjoy，黑色泳衣配白滑Body加靚腳，難怪佢話老公同佢影咗成千張相啦。    

有胸有腳仲咁白難怪老公狂影相。

老公見到老婆呢個表情，應該即刻返房。

曬太陽梗係要化全妝啦，唔係點晒命呀。

陳詩欣著SM Feel泳衣晒34C白滑Body 首去曼谷曬太陽富貴老公失控狂影

女神變爛面！

陳詩欣（Eunice）因拍攝旅遊節目《3日2夜》穿水著，以美好身材搶鏡，被網民封為女神。

前無綫小花陳詩欣（Eunice）昨日（4月23日）在IG的限時動態出PO晒出爛面照，寫下千字長文訴苦，自揭做美容療程出事。

2021年嫁有米老公陳爾正（Joshua），過闊太生活！

陳詩欣早於2月時曾表示生暗瘡。

陳詩欣透露兩個月前做美容療程中伏經過：「話說之前盲去咗一間網上推介美容院做針清，個個都大讚咁我咪試下。咁本身諗住清吓啲黑頭粉刺（大家都知道我之前面頰位好多暗瘡）即使而好返，色素都未完全康復！咁治療師見到我仲有少少暗瘡印，佢就問靚女試唔試做海藻矽針啊？」陳詩欣指治療師在其臉頰不停按摩，要求停止時已經太遲，對方還表示有少少紅、少少脫皮屬正常，大約三日便會沒事。

陳詩欣做美容療程出事，撰長文講述險毀容經過。

事復陳詩欣曾追問了美容院，最初對方回覆冷淡，只回答她「做傷了」，連一句道歉也沒有，再追問才告訴解決方法。陳詩欣嬲爆表示：「我真係嬲到爆炸，因為冇諗過會咁樣，亦都冇諗過得到這樣的回覆。」

貼出與美容院的對話截圖。